Қазақстанда 1 млн тонна қант қызылшасын өңдейтін зауыт салынады

Жамбыл облысындағы қант зауытының құрылысы бойынша инвестициялық ұсыныс үкіметте ұсынылды. Жобаны "К-Агро Холдинг" және "Бәйтерек" холдингі жүзеге асыруды жоспарлап отыр. Бұл туралы үкіметтің баспасөз қызметі хабарлады.

"Жобаға сәйкес, зауыттың өңдеу қуаты тәулігіне 8-10 мың тоннаны құрайды, бұл 1 млн тонна қант қызылшасын өңдеуге және жылына 130 мың тоннаға жуық қант өндіруге мүмкіндік береді", - деп хабарлады баспасөз қызметі.

Сонымен қатар, елімізде қуаттылықты арттыру үшін жұмыс істеп тұрған қант зауыттарын жаңғырту жүргізілуде. Бұл жұмыстар жаңа зауыттың құрылысымен бірге Қазақстанға қант бойынша импортқа тәуелділікті кезең-кезеңімен төмендетуге және қант қызылшасынан терең қайта бөлу өнімдерін өндіруді бастауға мүмкіндік береді.

Қазіргі таңда Қазақстанда қант қызылшасын өңдеу бойынша жалпы тәуліктік қуаты 8,7 мың тонна және 2,4 мың тонна құрақ шикізатын өңдейтін төрт қант зауыты жұмыс істейді.

2023 жылы Қазақстанда қантты ішкі тұтыну көлемі 507 мың тоннаны құрады. Ел қажеттілігінің негізгі көлемі ЕАЭО елдерінен дайын қантты импорттау және құрақ шикізатын өңдеу есебінен қамтамасыз етіледі.