Ағымдағы жылдың қыркүйек айында Түркістан облысының Сайрам ауданында көкөністер мен жемістерді өңдеу зауытын іске қосу жоспарлануда. Кәсіпорын томат пастасы, кетчуп, жеміс шырындарын шығарады. Бұл туралы облыс әкімінің баспасөз қызметі хабарлады.
Жаңа кәсіпорынға заманауи жабдықтар Түркиядан әкелінді және өндіріс алаңына орнатылды. Жобаны іске қосу кезінде 50 жұмыс орны құрылады.
Ауданда басқа кәсіпорындарда да ауыл шаруашылығы өнімдерін қайта өңдеу қуаты артып келеді. Түркістан облысының әкімі Дархан Сатыбалды ауданға сапары барысында «Бірлік-4» ЖШС ауыл шаруашылығы өнімдерін өңдеу және көкөністерді сақтау қоймасының жұмысымен танысты. Зауыт иесі қайта өңдеу кәсіпорнын кеңейту үшін төмен пайыздық мөлшерлемемен 5 млрд теңге көлемінде ұзақ мерзімді несие алуды жоспарлап отыр. Жобаны іске асыру кезінде 500-600 қосымша жұмыс орны құрылады.
Зауытта ауыл шаруашылығы өнімдерін сақтауға арналған сыйымдылығы 16 мың тонна бес қойма бар. Кәсіпорынның ашылуы кәсіпкердің жеке қаражаты және «Бизнестің жол картасы-2020» бағдарламасы есебінен қаржыландырылды.
