Ақмола облысында пестицидтерді субсидиялауға өтінімдер ашылады

Ақмола облысында пестицидтер мен биоагенттердің (энтомофагтардың) құнын субсидиялауға өтінімдерді қабылдау 5 маусымда ашылады. Бұл туралы өңірдің Ауыл шаруашылығы және жер қатынастары басқармасынан хабарлады.

"5 маусымнан бастап "Саны зияндылықтың экономикалық шегінен жоғары зиянды және аса қауіпті зиянды организмдерге және карантиндік объектілерге қарсы өңдеу жүргізуге арналған пестицидтердің, биоагенттердің (энтомофагтардың) құнын субсидиялау" бағдарламасы бойынша Gosagro.kz субсидиялаудың мемлекеттік ақпараттық жүйесінде өтінімдерді қабылдау басталады, - деп хабарлады ведомстводан.

Барлық сұрақтар бойынша 8 7162 903 012 телефоны бойынша хабарласуға болады

Ауыл шаруашылығы басқармасының деректері бойынша 2023 жылы өңірдің АӨК - ін субсидиялауға 46,6 млрд теңге, оның ішінде өсімдік шаруашылығын субсидиялауға - 13,1 млрд теңге бөлінеді: пестицидтер - 9 млрд 103,7 млн теңге, тыңайтқыштар - 3 млрд 171,4 млн теңге, тұқымдар - 617,5 млн теңге, азық-түлік астығы-240,6 млн теңге.

Ағымдағы жылы облыста 5 млн 251,3 мың га алқапқа жаздық егіс жүргізу жоспарлануда. Дәнді және дәнді-бұршақты дақылдар 4,7 млн га алаңға, майлы дақылдар - 317,1 мың га, жүгеріні ескере отырып жемшөп дақылдары - 195,8 мың га, халықты ескере отырып картоп - 15,3 мың га және көкөністер - 2,5 мың га орналастырылады.