Алматыда өткен семинарда АӨК-дегі жасыл технологиялар талқыланды

"Зиянкестер мен пестицидтерді басқарудың жаңа технологиялары" семинары 15 сәуірде Алматыда 11 елден 30-дан астам қатысушының келуімен өтті.

Ұйымдастырушылар - Біріккен Ұлттар Ұйымының Азық-түлік және ауылшаруашылық ұйымы (FAO UN) және Жаһандық экологиялық қор.

BaiBolsyn Solutions компаниясының директоры Абылайхан Ахметжанов жасыл технологияларға сай келетін дәл егіншілік элементтерін ұсынды. Ол сондай-ақ ауыл шаруашылығы кәсіпорнын басқару бойынша бірыңғай эко-жүйені құру тәжірибесімен бөлісті. Таныстырылым барысында Интегратордың осы процестегі рөлінің маңыздылығы талқыланды.

Көміртегі ізін бақылау мүмкіндігі бар AgroCares өнімі мен @egistic.kz қолданбасы ерекше қызығушылық тудырды. Әрі қарай, BaiBolsyn Solutions қатысушы елдердің әрқайсысы үшін өнімдерді егжей-тегжейлі таныстыру бойынша тереңдетілген жұмысты жалғастыруды жоспарлап отыр.