Қостанайда найзағайдың салдарынан астық қоймасы құлады

"Компания САЛАМАТ" ЖШС диірмен кешенінің аумағында 1 тамызда сағат 22.00 шамасында екі астық қоймасы құлады. Бұл туралы ҚР ТЖМ өнеркәсіптік қауіпсіздік комитетінің өңірлік департаментінде хабарлады.

"Болжамды себеп – найзағай. Бұл жағдай апат ретінде жіктеледі. Құрбандар мен зардап шеккендер жоқ", - деп хабарлады департамент.

Оқиға орнында ведомство қызметкерлері жұмыс істеп жатыр. Барлық қатысы бар адамдар анықталғаннан кейін апатты тергеу жөніндегі комиссия құрылады.