Ақбас түйежоңышқа сұрпы

"Ақбас" түйежоңышқа сұрпын "А.И. Бараев атындағы Астық шаруашылығы ғылыми-өндірістік орталығының" қазақстандық селекционерлер өсірді.

Сұрыптың сипаттамасы

Шығу тегі

"Ақбас" түйежоңышқа сұрпы К-37000 үлгісінен жекелеп іріктеу әдісімен өсірілген

Сипаттамасы

"Ақбас" түйежоңышқа сұрпы орта маусымдық. Ол көктемде және шабудан кейін жақсы өседі. Фазааралық кезең көктемгі вегетацияның басынан бастап алғашқы шабуға дейін 50-52 күн, толық пісіп-жетілуге және тұқымға дейін 88-89 күн. Бұтасы тік өсетін, биіктігі 89 см. Дәндері ірі.

Апробациялық белгілер

Бұтасы тік өсетін, биіктігі 80-110 см, сабақтары жасыл, орташа өрескел, тармақтылығы жоғары. Жапырақтары ұзындығы 2,5 см, ені 1,4-2,0 см бозалаң-жасыл. Гүлшоғыры - борпылдақ цилиндрлік шоқ, гүлдері ақ. Жеміс сабақтары жұқа және ұзын, бұршақтардың түсі ашық сұр, торлы беті бар қоңыр. Қатты тұқымның мөлшері 64-72% құрайды. Тамыр жүйесі өзекті, мықты, негізгі тамыр жақсы көрінген.

"Ақбас" түйежоңышқа сұрпының өнімділігі

Егін көгінің өнімділігі - 143,0 ц/га, құрғақ заттың өнімділігі - 39,0 ц/га, тұқым өнімділігі - 2,9 ц/га.

Аурулар мен климаттық жағдайларға төзімділік

Сұрып қысқа және құрғақшылыққа төзімділігімен, тұқымның пісу үйлесімділігімен, ауруларға (ақұнтаққа, қоңыр дақтылық) және тұқым зиянкестеріне (тұқым жегіштер, беде жуанаяқтысы) төзімділігімен ерекшеленеді.

Сапалық көрсеткіштер

1 мың тұқымның массасы - 2,9 г. Құрғақ заттағы шикі ақуыздың мөлшері 19,4% құрайды. "Ақбас" түйежоңышқа сұрпының 1 кг құрғақ затында 0,63 жем бірлігі, 197 г шикі ақуыз, 260 г шикі талшық, 22,7 г шикі май, 2,8% кумарин, 9,9 МДж алмасу энергиясы бар. Сіңімділігі 70,8% жетеді.

Өндіруші/өтініш беруші

"А.И. Бараев атындағы Астық шаруашылығының ғылыми-өндірістік орталығы".

Мекенжайы

021601, Ақмола облысы, Шортанды ауданы, Научный к., Бараев көшесі, 15,

тел. (8-716-31) 2-30-29, факс (8-716-31) 2-30-32,

e-mail: info@baraev.kz, tsenter-zerna@mail.ru