Сапалы бидай сұрпы

“Сапалы” бидай сұрпы – “Қазақ егіншілік және өсімдік шаруашылығы ғылыми-зерттеу институтының” қазақстандық селекционерлері өсірген жұмсақ сұрыпты күздік бидай.

Сұрыптың сипаттамасы

Шығарылған жері

“Сапалы” бидай сұрпы түрішілік будандастыру әдісімен жасалған, содан кейін будандастыру нәтижесінде жекелеген 2 рет іріктеуден өткізілген (Богарная-56 х Альбидум-114) х Ірі масақты.

Сипаттамасы

“Сапалы” бидай сұрпы орташа пісетін, вегетациялық кезең 270-285 күн. Жақсы және тамаша сапалы жоғары өнім алу үшін ғылыми тұрғыдан ұсынған барлық ауылшаруашылық шараларын нақты және уақтылы орындау қажет.

Апробациялық белгілер

Түр өзгешелігі: Erythrospermum (эритроспермум). Масағы қылтанақты пирамида тәрізді (10-12 см), ақ, тығыздығы орташа (өзектің 10 см ұзындығында 20-22 масақша). Қылтанақтары иілген, шашыранды, түсі ақ, ұзындығы 8-9 см. Дәнінің көлемі орташа, дәннің негізі түкті, пішіні жартылай ұзынша, түсі қызыл, жырашығы терең емес. Сабақтарының қалыңдығы орташа, үлкен, сынбайды. Топырақ деңгейіне байланысты.

“Сапалы” бидай сұрпының өнімділігі

Тәлімі жердегі ықтимал өнімділігі - 43,3 ц/га.

Аурулар мен климаттық жағдайларға төзімділігі

“Сапалы” бидай сұрпы қыста және құрғақшылыққа төзімді. Жатып қалуға және төгілуге төзімді.

Ұнға тартылу және наубайханалық қасиеттері

1000 дәннің салмағы 45-тен 50,2 грамға дейін. Дәнінің сапасы бойынша ол күшті бидайға жатады, ақуыз мөлшері — 16,2%, шикі дәнмаңызы – 39,2%, ұнның күші — 404 Дж., нан көлемі - 1095 мл., наубайханалық бағасы – 4,2 балл).

Өндіруші/өтініш беруші

“Қазақ егіншілік және өсімдік шаруашылығы ғылыми-зерттеу институты” ЖШС.

Мекенжайы

040909, Алматы облысы, Қарасай ауданы, Алмалыбақ кенті, Ерлепесов көшесі 1,

Тел. +7 72771 53130, +7 7273883925,

e-mail: kshosagrootdel@mail.ru