Битик сұлы сұрпы

"Битик" сұлы сұрпы - А.И. Бараев атындағы астық шаруашылығы ғылыми-өндірістік орталығының қазақстандық селекционерлері өсірген жаздық сұлы.

Сұрыптың сипаттамасы

Шығу тегі

"Битик" сұрпы 368Н1 [WW 17020 (Швеция) x Albgold (Германия)] гибридті популяциясынан жекелей-тұқымтоптық сұрыптау әдісімен жасалған.

Сипаттамасы

"Битик" сұлы сұрпы орташа маусымдық, вегетациялық кезең 70-93 күн. Өсімдіктердің биіктігі 90-120 см. Жапырылуға төзімділігі жоғары.

Апробациялық белгілер

Мутика түршесі. Толық шашақтану фазасында сіпсебасы шашыраңқы, бұтақтары жартылай көтерілген, бір жақты, ұзындығы 15-22 см. Балауыздың пісу кезеңінде сіпсебасының түсі ашық сарыдан аққа дейін болады, дәнділігі жақсы. Масақтары салбыранқы негізінен екі дәнді, қылтанақсыз. Тіпті құрғақ жылдары да қылқандылық пайда болмайды. Оның басқа сұрыптардан айырмашылығы осында. Масақты қабыршағы ұзын (18-20 мм), түсі сары. Дән орташа мөлшерлі, түбінде жалаңаш, ұзартылған, сәл өркешті, Харьков типі тәрізді. Сабағы орташа қалыңдықты, қуыс, берік. Жапырақ алақаны аралық, орташа мөлшерлі, ашық жасыл түсті. Жалауша жапырағы сәл қисайған, қынабында түктері жоқ. Тілшігі қарапайым. Түптену кезеңінде бұтаның пішіні тік өседі.

"Битик" сұлы сұрпының өнімділігі

2008-2009 жылдардағы өндірістік сұрып сынақтағы орташа өнімділігі 19,8 ц/га. Ең жоғары өнімділік 2009 жылғы жағдайда 36,8 ц/га құрайды.

Аурулар мен климаттық жағдайларға төзімділігі

Тозаңды қаракүйеге әлсіз сезімталдығы бар.

Сапалық көрсеткіштер

Астық сапасы бойынша бағалы сұрыптар тізіміне енгізілген. 1000 дәннің салмағы 27-34 гр, ақуыз мөлшері 15,6-16,6%.

Өндіруші/өтініш беруші

"А.И. Бараев атындағы Астық шаруашылығы ғылыми-өндірістік орталығы".

Мекенжайы

021601, Ақмола облысы, Шортанды ауданы, Научный кенті, Бараев көшесі, 15,

тел. (8-716-31) 2-30-29, факс (8-716-31) 2-30-32,

e-mail: info@baraev.kz, tsenter-zerna@mail.ru