Ағылшындық Ангор қояны (Angora English)

Тарихы

Ангор қояндарының шығу тегінің нақты тарихы белгісіз, бірақ Ежелгі Рим дәуірінің құжаттарында б.з.д. 100 жылдың өзінде биязы жүнді қояндар еске алынады. Бәлкім, бұл ангорларды Шығыс Еуропаға дәл римдіктер әкелуі мүмкін, онда олар б.з. 500-600 жылдары таралды. Басқа нұсқа бойынша Ағылшындық Ангор қояны бастапқыда түрік Анкарасынан шығады, бұл тұқымның атауымен үндес, ал Англияда импортталған тұқым жақсартылған болатын. Ағылшын құжаттарында таңғажайып қояндар туралы алғашқы еске алу 1500 жылдары пайда болды, ал 200 жылға кейінірек олар Францияда танымал болды. 1900 жылы ангорлар Америкаға келді, онда олардың бірден көптеген жанкүйерлері пайда болды да, тұқым одан әрі дамыды. 1939 жылға дейін ол Вулер Ангоры деп аталатын бір нұсқада болды, кейінірек түрді француз және ағылшын кіші түрлеріне бөлді. 1944 жылы Американдық қоян өсіру қауымдастығы қазіргі уақытта Француздық Ангор және Ағылшындық Ангор ретінде белгілі екі әртүрлі тұқымды ресми түрде мойындады.

Тұқым стандарты

Үлкен дарақтарының салмағы 2,4 кг-нан 3,4 кг-ға дейін ауытқиды. Сүйірленген денесінің түрі шағын, тұмсығы жалпақ. Құлақтары тігінен отырғызылған, ұштарында салбырап тұрған сүйкімді шашақтарды құрайтын көп жүнмен жабылған. Тұқым бірнеше түрде ұсынылған жиырмадан астам алуан түрлі тартымды түсте болады. Агути: сілеусін, сарғылт және шоколадты түстері. Бір түсті және көлеңкеленген: қара, көгілдір, шоколадты және ақшыл көк. Пойнт: қара, шоколадты, көгілдір, ақшыл көк (ақ өңде түстердің бірімен құлақтары, мұрны, аяқтары мен құйрығы ерекшеленген).

Шаруашылық сипаттамасы

Бұл адам қоғамын жақсы көретін салмақты, сабырлы қояндар. Олар сирек жағдайда қыңыр немесе есерсоқ болады, сондықтан бала үшін алғашқы үй жануары рөліне өте қолайлы. Жүнінің сапасы - көрмеде бағалау кезіндегі аса маңызды сипаттамасы. Текстурасы жұмсақ және жібектей болуы керек. қылқанды қылшықтары бар, бірақ Француздық Ангорлардағы сияқты мөлшерде емес. Жүнінің ұзындығы 5 см кем емес. Ангорлар аптасына кемінде бір-екі реттен кем емес тұрақты грумингті қажет етеді. Грумингті сегіз апталық жасынан бастайды, алдымен кең тістері бар тарақты пайдаланады, үлкейген сайын щетканы алады. Тәжірибелі бастаушылар қылшықтарына күтілген түр бере отырып, жүнінің үйіліп кетуіне немесе түйіршіктерге түсіп кетуін бодырмай, қылшықтарын бөлуге көмектесетін кәсіби шаш кептіргішті пайдалануға кеңес береді. Тоны түлеген кезде түсе бастағанда, оны қырқады немесе артық жүнін жұлады.

Ұқсас тұқымдар

Швейцариялық Түлкі (Swiss fox). Алып Ангор қояны (Angora Giant).