Ауксуа (Auksua)

Тарихы

Ауксуа тұқымы Франциядағы Кот д'Ор және Йонне шарап жасайтын провинцияларынан шыққан және тамыры орта ғасырларға таралған бұрынғы бургунд жылқыларының ұрпағы болып табылады. Бұл тұқымның сақталуы үшін, атап айтқанда, Клунидегі және осы тұқымның отанындағы жылқы зауыттары едәуір күш-жігер жұмсап жатса да, олардың өкілдері өте аз қалды. 19 ғасырда ауксуа жылқысына булон жылқылары мен першерондарының, сондай-ақ ардендер мен трейт ду норд жылқыларының қаны құйылған болатын, бұл жағдай тұқымды жалпы ауырлатты және бойын өсірді. Ауксуа арден жылқысының жақын туысы болып табылады және 20 ғасырдың басынан бастап тұқымды жақсарту үшін оларға қосымша арден қанын құйған. Қазір ауксуа арденге қарағанда біршама жоғары және екі тұқым да ет үшін өсіріледі. Бұрын ауксуа қозғалыс құралы ретінде пайдаланылған, бірақ механикаландыру ғасыры келісімен, оларға сұраныс күрт төмендеді, бұл осы тұқым өкілдерінің күрт азаюына әкеліп соқты. Бүгінгі таңда бұл тұқымды Дийонда негізделген ұйым қорғайды. Асыл тұқым кітабы 1913 жылы басталған болатын.

Тұқым стандарты

Жылқының кең маңдайлы және ұштары үшкір кішкентай құлақты шағын басы бар. Мойны өте күшті және қысқа, кеудесі терең және кең, шоқтығы биік емес. Оның арқасы кең және түзу, сауыры ұзын қиғаштау, құйрығы төмен орналасқан. Иықтары қиғаш, бұл кез келген желісте жүрістің еркін болуын анықтайды. Аяқтары күшті, ардендермен салыстырғанда ауксуа жылқысының аяқтары нәзіктеу, кішкентай шашалары бар. Өзінің көлеміне қарамастан, бұл жылқы айтарлықтай еркін қозғалады. Шоқтығының биіктігі: 150-165 см. Түстері: торы, жирен сирек кездеседі.

Шаруашылық сипаттамасы

Бұл жылқылар сабырлы және икемді мінезге, үлкен төзімділік пен күшке ие. Ауксуа жұмысшы жылқы болып табылады, әсіресе ауыр ат әбзелдерін салғанда және дала жұмыстарында жақсы.

Ұқсас тұқымдар

Владимир ауыр жүк таситын жылқысы (Vladimir heavy truck). Кладруб жылқысы (Кладруб) (Kladruber horse)