Бретон ауыр жүк таситын жылқысы (Breton draft)

Тарихы

Қысқа аяқты бретон жылқысы таңқаларлықтай белсенді, ауыр жүк таситын жылқы үшін ерекше жүрдек желіс, бұл норфолк родстерлері және өткенді қазбаласа, тіпті арабтар қанының бар болуын білдіреді. Еуропа оңтүстігі тұрғындарының көпшілігі сияқты, бретондықтар тұқымды өсірген кезде крестшілер плебей тектес жергілікті жануарлармен будандастыру үшін шығыстан әкелген жылқыларды пайдаланды, ал біршама жақында ағылшын және кейбір континенттік тұқымдардың қанын қоса бастады - соңғы жағдайда нәтижелері әрқашан жақсы болған жоқ. Бретон жылқыларының бірнеше түрі көптеген ғасырлар бойы болған. Орта ғасырларда соммье мен руссен бағыттары ерекшеленді. Соммье өз тұқымын Бретан солтүстігінде өсірілген жылқылардан бастады және негізінен теңдеп жүк артылатын және ауыл шаруашылық жануарлары ретінде пайдаланылды. Олардан көлемі кем түсетін руссендер провинцияның оңтүстік және кейбір орталық аудандарында танымал салт мінетін аттары болып, жорға аттардың ыңғайлы желісі-тұрысы үшін бағаланды. Қазір бретондықтар енді салт мінетін жылқылар болып саналмаса да, түр өзгешелігі әлі де қалды – үлкен және кіші жегетін жылқылар, сондай-ақ көлемі бойынша салт мінетін жылқылар түрлерінен кем түсетін постьерлер деп аталатын пошталық жылқылар. Постьерлер өздерінің жеңіл дене құрылысымен және тамаша жүрісімен норфолк родстерлерінің қанына борышты, ол ХІХ ғасырда құйылған.

Тұқым стандарты

Басы сәл төртбұрышты түзу бейінді, танаулары ашық, көздері жылтыр және кішкентай, құлақтары өте төмен орналасқан; мойны қысқа, күшті және сәл иілген; кең қабырғалары бар тұрқы қысқа кең және мықты; сауыры өте күшті; аяқтары қысқа, мықты, жамбастары мен шынтақтары бұлшық етті. Биіктігі – 152-162 см. Түсі көбінесе жирен, кейде жирен буырлы, торы немесе сұр, қара сирек кездеседі.

Шаруашылық сипаттамасы

Ерте өсетін бретондықтар жоғары сапалы ет мөлшері көп болғаны үшін Францияның ет базарларында үлкен сұранысқа ие. Бірақ бұл ретте оларды кейде дала жұмыстарында, әсіресе жүзімдіктерде кездестіруге болатын, жегетін жануарлар ретінде бағалау жалғасады.

Ұқсас тұқымдар

Владимир ауыр жүк таситын жылқысы (Vladimir heavy truck). Кладруб жылқысы лошадь (Кладруб) (Kladruber horse), Ауксуа (Auksua).