Джерси алыбы (The Jersey Gian)

Тарихы

Ресми түрде Джерси алыбы тұқымы АҚШ-та 1992 жылы тіркелген, дегенмен алғашқы алып тауықтар 1915 жылы өсірілген. Олар қара түсті болды және алғаш рет 1921 жылы Англияға жеткізілді, онда жергілікті селекционерлер тұқымды басқа түстермен өсіруді жалғастырды. Джерси алыбының Еуропада тез таралуына байланысты көптеген елдерде асылдандыру жұмыстары жүргізілді. Нәтижесінде Германияда осы тұқымның ақ тауықтары, ал Ұлыбританияда көк шілтер түстілері пайда болды. Джерси алыптары ворота, ява, кроад лангшан және төбелесетін тауықтар сияқты тұқымдарды будандастыру арқылы өсірілді.

Тұқым стандарты

Денесі жалпақ және ұзын, кеудесі терең, кең және жақсы дамыған. Арқасы көлденең, жалпақ және ұзын. Айдары түзу, 6 біркелкі тістері бар. Тұмсық бүгілген. Көздері дөңес, қоңыр түсті. Басы айтарлықтай жалпақ. Салпыншақтары орташа көлемді, төменгі бөлігінде жақсы дөңгелектелген. Мойны орташа ұзын. Қауырсыны айтарлықтай үлпілдек, бір-біріне тығыз орналасқан. Денеге қатты басылған орташа қанаттары бар. Қораздарының құйрығы үлпілдек және үлкен. Жамбасы жақсы қауырсынданған, сирақтары жуан, саусақтары орташа ұзын. Джерси алыбы үш түрлі түсте кездеседі және сәйкесінше тұқымның үш кіші түрі бар: қара тауықтар зүбәржат реңктері бар қара қауырсын дарымен ерекшеленеді. Қара тұмсықтары мен табан сүйектерінде сарғыш күйік тәрізді реңк бар. Көгілдір алыптарда сұр-көк түстер құлпырады. Табан сүйектерінің асты сарғылт болып құбылады. Қара тұмсықтарының ұшы да сары. Ақ Джерси алыбының қауырсындары ақ түсті және табан сүйектері мен тұмсығында сарғыш реңктер бар. Әтештердің салмағы 5,5-6 кг, сондай-ақ, салмағы 7 кг немесе одан да көп болуы мүмкін. Аналықтарының салмағы 4-тен 5 кг-ға дейін.

Шаруашылық сипаттамасы

Тауықтар үлкен, күшті, мықты. Олардың денсаулықтары күшті және психикасы мықты. Ірі болуына қарамастан, Джерси тауықтары - бейбітшіл, салмақты, көнбіс мінезді тауықтар. Тауықтар 6 айлық жасында жұмыртқа сала бастайды. Жұмыртқалағыштығы жылына 170-180 жұмыртқа, қабығы өте ашық қоңыр түсті. Жұмыртқалары үлкен, салмағы 60-80 г.

Бұл қызық

Джерси алыптарының көп серуендету талаптарына байланысты ұстау жағдайларына көнбістігі біршама асыра айтылғандықтан, Джерси тұқымы өнеркәсіптік ауқымда кең таралмағаны қисынды.

Ұқсас тұқымдар

Полтавалық саз тауығы (Poltava clay), Полтавалық шыт тауығы (Poltava calico), Плимутрок (Plymouth Rock).