Фенек (Vulpes zerda)

Тарихы

Фенек түлкісі ит тұқымдасына кіреді және түлкі тегіне жатады. Бұл түр Солтүстік Африка аумағында Мароккодан Египетке дейін мекендейді және оңтүстікке қарай Суданға, Нигерге және Чадқа таралады. Мекендеу ортасы тұрақты құм төбелері бар шөл дала болып табылады. Түр өкілдері өз атауын арабтың fanak сөзінен алды, ол "түлкі" деп аударылады.

Тұқым стандарты

Бұл түр әлемдегі ит тұқымдастардың ішіндегі ең кішісі және көлемі бойынша тіпті үй мысықтарынан да кіші. Денесінің ұзындығы 24-41 см. Шоқтығындағы биіктігі 20 см-ге дейін жетеді. Құйрығының ұзындығы 18-21 см тең. Құлағының ұзындығы 10-15 см құрайды. Салмағы 0,7-ден 1,59 кг-ға дейін түрленеді. Көздері үлкен, олар қысқа, үшкір тұмсығында орналасады. Жүні қалың және жұмсақ. Денесінің жоғарғы бөлігінде ол ақ сары түсті, ал денесінің төменгі бөлігі ақ түсті. Үлпілдек құйрығы қара ұшымен аяқталады. Табандары шөл даланың ыстық құмынан қорғайтын терісімен жабылған. Үлкен құлақтары жылу беруді реттейді.

Шаруашылық сипаттамасы

Фенек түлкілері – әлеуметтік жануарлар. Жұптар бір некелі және олардың әрқайсысының өзінің аумағы бар. Көбею кезеңі қаңтардан ақпанға дейін өтеді. Жүктілік 50-52 күнге созылады. Төлдері наурыз-сәуір айларында туады. Әдеттегі ұялас төлде 1-ден 4 төлге дейін есептеледі. Максимум саны – 6 төл. Олар ұя салатын камерасы бар апанда дүниеге келеді. Ұрғашысы оның түбіне жүн, шөп және қауырсындар төсейді. Туылған кезде төлдерінің салмағы 50 г болады. Олар соқыр, құлақтары ішіне қарай иілген болады. Көздері ашылады, ал құлақтары 2 апта жасында түзеледі. Осы уақыт ішінде ұрғашысы апанда отырады, ал еркегі қорек тасып жүреді. Сүтпен қоректендіру 2 айға созылады. Төлдері 3 айлық жасында тәуелсіз болады. Жыныстық жетілуі 6-9 айында болады. Жабайы табиғатта фенек түлкісі 10 жылға дейін тіршілік етеді. Қамауда тіршілік ету ұзақтығы 12 жылды құрайды.

Ұқсас тұқымдар

Қарсақ (Tartar fox), Американдық қарсақ (Vulpes velox), Бенгал түлкісі (Үнді түлкісі) (Vulpes bengalensis).