Легарт қаздары (Даниялық Легарт) (Geese Legart)

Тарихы

Легарт тұқымы 1995 жылы Данияда шығарылды, бұл түрге екінші атауы – Дат Легарт – осы жерге байланысты берілген. Қаздың жаңа түрі етті көрсеткіштері жоғары, сонымен бірге күтімі тиімді болатын үлкен, өсімтал құс алу мақсатымен бірнеше тұқымның негізінде жасап шығарылды.

Тұқым стандарты

Құстардың тұрқы созылыңқы, денесі орташа, ауыр салмақты. Іш аймағында тек бір ғана май қабаты бар. Ерекшелігі – қауырсындарының ақ түсі. Аяқтардың, тұмсығының және сирақтарының түсі қанық сары. Арқа аймағы тегіс, түзу және кең. Көз алмасы көгілдір немесе көк түсті. Бас сүйегінің өлшемі орташа және пішіні дұрыс. Мойны қысқа және жуан. Еркек құстардың максималды салмағы – 9 кг. Ересек аналықтың массасы 6 кг-ға дейін жетуі мүмкін.

Шаруашылық сипаттамасы

Легард қаздарының өсімталдығы – бұл құс асыраушылар осы тұқымды бағалайтын немесе ұнатпайтын қасиеттері. Тұқымның сүбе еті нәзік, бұл қаздарда кәдімгі тұқымдардікі сияқты майлы ет жоқ, сондықтан оны тамақ дайындауда жиі қолданады. Бауырының салмағы 800 г-ғажетеді, ол өте дәмді және деликатестер жасауға жарамды. Даниялық Легарт тұқымының қаздары бұлшықет массасын жылдам жинап, тез өседі. Жыныстық жетілу үшін аналықтарға 250 күн, ал еркек құстарға 270 күн қажет. Жас балапандар ересек қаздар сияқты сирек ауырады және өледі. Жылына жұмыртқалағыштығы 25-40 дана. Бұл қаздардың жұмыртқаларының 65%-ы ұрықтандырылған. Даниялық Легарт сабырлы мінезімен ерекшеленеді. Құс көбінесе үнсіз, төбелеспейді, аулада серуендегенде қолайсыздық туғызбайды. Легарт қаздары – ерекше асырау жағдайларын қажет етпейтін күй талғамайтын үй құстары. Жазда құстар аулада еркін қозғалуы керек және жайылым мен су қоймасына үнемі қол жеткізе алуы керек, онда олар тез салмақ жинай алады.

Ұқсас тұқымдар

Үлкен арыстан бас қаз, Африкалық қаздар (Geese African), Губернаторлық қаздар (Governor's Geese), Итальяндық қаздар (Geese Italian). Үлкен сұр қаздар (Geese Large gray).