Карпат арасы тұқымы (Carpathian bee breed)

Тарихы

Солтүстік Қазақстанның ара өсірушілері өздері үшін араның мінсіз тұқымын анықтаған, олардан биылғы жылы брендтелген балдың мол өнімін алуға үміттенеді, - деп хабарлайды «Хабар 24» тілшісі. Карпат арасы Қазақстанның оңтүстігінен әкелінді. Тұқымның бірегейлігі – бұл бал арасы тіпті қолайсыз ауа-райында да «жұмыс істейді». Елдің солтүстігінде жазғы маусымда жиі орын алатын суық күндер аралар үшін жұмыссыз жүруге себеп емес. Карпат аралары аздап жаңбыр жауып тұрса да, бал жинауға шығады.

Тұқым стандарты

Түсі хитин жамылғысындай: карпат араларынікі күңгірт-сұр, сарғыш реңкі жоқ, күміс түктері бар. Бізтұмсығының ұзындығы: орташа - 6,3-7,0 мм. Ұрықты аналықтың салмағы: орташа есеппен 205 мг.

Шаруашылық сипаттамасы

Тұқым аралардың балауыз өнімділігінің жоғары болуымен сипатталады. Көктемде жанұялар ерте көктемгі бал жинауды қарқынды жүзеге асыра отырып, күштерін жылдам жетілдіреді және оны жаз бойы сақтайды. Карпат араларының бұл ерекшелігі аралардың ерте ара пакеттерін өндіру үшін қолданылады. Аралар негізгі бал жинау мезгілінде жоғары өнімділігімен (бұл олардың басқа тұқымдардан артықшылығы) және «құрғақ» бал қабыршағымен ерекшеленеді, негізінен ақ, кейде араласады. Ұяларды ара желімімен желімдеуі әлсіз. Басқа тұқымдарға қарағанда үйірілуге аса бейім емес, ашуланшақ емес және бейбітсүйгіш (жанұяны барлық дерлік маусым барысында бет торы мен түтінді қолданбастан тексеруге болады); нозематозбен ұшырауы әлсіз. Тұқым ең жақсылардың бірі деп танылды, түрлі шөпті-беделі-қарақұмық балы жиналатын көптеген аймақтарда өсіруге ұсынылады. Негізгі ерекшелігі – жоғары өнімділігі. Аналық араның орташа жұмыртқалағыштығына қарамастан, Карпат аралары жанұясы бір маусымда 50 келі бал өндіре алады және бұл тек орташа статистикалық нәтиже. Жақсы бал жинау кезінде Карпат аралары тұқымының бір жанұясы бір маусымда 80 килограмм бал бере алады. Өсімталдығы: күніне 1800-1900 жұмыртқа. Қарастырылып отырған жәндіктердің бізтұмсығы өте ұзын екенін айта кеткен жөн, шамамен 7 миллиметр, бұл қолжетімділігі қиын бал өсімдіктерінен шірне жинауды жеңілдетеді. Мұндай өсімдіктерге бұршақ дақылдары (асбұршақ және үрмебұршақ) жатады.

Ұқсас тұқымдар

Орталық Ресей ара тұқымы (Central Russian breed of bees)