Қырғыздың мамық жүнді ешкі тұқымы (Kyrgyz Down)

Тарихы

Қырғыздың мамық жүнді ешкісі – Қырғызстанда жергілікті қырғыз ешкілерін Придон, Ангора және Орынбор тұқымдарының ешкілерімен будандастыру арқылы өсірілген мамық жүнді ешкілердің жаңа тұқымдық тобы. Ең жақсы мал басы Қырғызстанның Ош облысындағы «Ақ-Сай» совхозының асыл тұқымды малдар фермасында өсіріледі.

Тұқым стандарты

Түсі қара-сұр және ақ. Жануарлардың конституциясы мықты, тұрқы үлкен. Дене бітімі дұрыс қалыптасқан. Басы кішкентай, құлақтары салбыраған, мүйіздері жақсы жетілген. Жүні қалың, созылғыг, тегістелген.

Шаруашылық сипаттамасы

Қырғыздың мамық жүнді тұқымды текелерінің орташа тірідей салмағы 65-70 кг, ешкілері — 38-40 кг. Текелердентарап алынған орташа қылшық мөлшері 600-700 г, ешкілердікі – 350-400 г. Қылшық қалыңдығы 18-20 мкм, қылшық ұзындығы 7-9 см, жүндегі қылшық мөлшері 60-75%, өсімталдығы 126-128%.

Ұқсас тұқымдар

Пигора ешкі тұқымы (Pygora Goats), Ангора ешкі тұқымы (Angora)