Краснояр қой тұқымы (Krasnoyarskaya sheep)

Тарихы

Красноярск қойлары тұқымы Мериностарды Прекостармен, американдық Рамбульемен, Асканий және Грозный қойларымен будандастыру кезінде шығарылған. Селекциялық жұмыс нәтижесінде Красноярск тұқымынан басқа үш тұқым түрі шығарылған болатын: Учумский, Приангарский, Хакасский. Красноярск тұқымының отаны Ресей болып табылады. Бұл тұқым негізінен Красноярск өлкесінде, Прибайкальеде, Иркутск облысында және Ресей Федерациясының Хакасия Республикасында таралған.

Тұқым стандарты

Красноярск тұқымы өкілдерінің түсі біркелкі ақ түсті. Түзілісі мықты ірі жануарлар. Қошқарлары мүйізді, аналықтары мұқыл. Мойнында 1-2 көлденең қатпарлары бар (қошқарларда олар айқынырақ көрінеді).

Шаруашылық сипаттамасы

Қошқарларының салмағы 120 кг-ға жетеді, аналықтарынікі - 60 кг. Шоқтығындағы биіктігі — 69,8-70,0 см, көкірегінің қиғаш ұзындығы - 77,6-78,0 см, омырауының тереңдігі — 25,1-25,3 см, омырауының шеңбері - 102,1-102,5 см. Красноярск тұқымының өсімталдығы орташа - 120-130%. Қошқарлары мен аналықтарынан жүн қырқылымы айтарлықтай ажыратылады, аналықтарынан — 5,5 кг-ға дейін, қошқарлардан — 15 кг-ға дейін. Жуылған талшықтың шығысы - 48-50%. Жүнінің ұзындығы - 8-10 см. Жүні қаптама құрылымды. Қойларда қалыңдығы 60-64 сапалы, қошқарларда 58 сапалы. Красноярск қойлары тұқымы Сібірдің қатал климатына жақсы бейімделген. Красноярск тұқымының кемшілігі: құрсағында жүнінің нашар өсуі.

Ұқсас тұқымдар

Австралиялық меринос қойлар тұқымы (Australian Merino), Олибс (OLIBS) (Ontario Lamb Improvement Breeding Strategy), Южноуральск қойлары тұқымы (Yuzhnouralskaya)