Миссури желісті жылқысы (Миссури фокстроттері) (Missouri trotter)

Тарихы

Миссури желіс жылқысы – ең көне американдық жылқы тұқымдарының бірі. Миссури желіс жылқыларын XIX ғасырдың басында шығара бастады. Тұқымның тарихы қоныс аударушылар Кентукки, Вирджиния және Теннесси штаттарынан батысқа қоныс аударған кезден басталады. Қоныс аударғандар өздерімен бірге таза қанды жылқыны, шығыс тұқымдарын және морганды (американдық мінетін-жегетін жылқылар тұқымын) қоса алғанда, жылқылардың алуан түрлі тұқымдарын алып жүрді. Озарк суық тауларының жаңа жағдайларына бейімделген жылқыны алуға ұмтылып, дәл осы тұқымдарды өз араларында будандастырды. Қоныс аударушыларға ұзақ уақыт бойы ыңғайлы тұрақты желіспен қозғала алатын жылқы қажет болды. Ең дұрысы, селекцияның ең басында негізгі күш-жігер жүйрік атты шығаруға бағытталған болатын. Содан кейін бастаушылар жануардың басқа қасиеттеріне басты назар аударды. Өйткені, тұқымға қойылатын басты талап, ең алдымен, өте үлкен ара қашықтықтарды, соның ішінде тасты топырақты қажымай еңсеру қабілеттілігі болды. Әрине, олар салт атты өзін жайлы сезінетіндей тұқым жасауға ұмтылды. Селекция нәтижесінде сағатына 5-8 мильге дейін, соның ішінде қиын өтетін жерлерде жылдамдықты дамытуға қабілетті миссури желіс жылқысы пайда болды. Ол "түлкі қадамы" немесе "фокстрот" деп аталатын желіспен қозғалады. Бұл желісте біршама ерекшеліктер бар - миссури желіс жылқысының алдыңғы аяқтары – қадаммен, ал артқы аяқтары жортақтап қозғалады. Фокстротпен қозғалатын миссури желіс жылқысы желе жортқанда аяқтарын күрт соққымен қоймайды, ал аяқтарымен тұрқының астына сырғып өтеді. Жылқының артқы аяқтары алдыңғы іздерін жояды. Нәтижесінде миссури фокстроттері ұзақ уақыт бойы қозғала алатын бір сарынды желіс пайда болады. Бұл жағдайда жылқы іс жүзінде шаршамайды. Берілген жағдайларда дәл осы қасиеті ең маңызды қасиеттерінің бірі болды. Алдыңғы аяқпен жүру, ал артқы аяқпен жортақтау қабілетінің туа біткен екендігін айта кету керек. Алайда, ол ұзақ жаттығулар жасау арқылы дамыған болуы мүмкін. Бұл тұқымға тән шоқырақ – жинақы, басы мен құйрығы жоғары көтерілген.

Тұқым стандарты

Басы әдемі, зиялы. Мойны ұзын, әдемі иілген. Кеудесі терең, сымбатты. Түсі: көбінесе алтын-жирен немесе жирен кездеседі, ақ белгілері болуы мүмкін. Өлшемдері: шоқтығындағы биіктігі - 142 см-ден 163 см-ге дейін.

Шаруашылық сипаттамасы

Миссури желіс жылқысының таңғажайып мінезі бар: ол сабырлы, көнгіш, ақылды және шамасынша жігерлі. Оған балалар мен жаңа үйренушілерді сеніп тапсыруға болады. Бәйгелерде, бастықтыруда, шоуда, жұмыс жылқысы ретінде, үйретуде пайдаланылады.

Ұқсас тұқымдар

Француз желіс жылқысы (French trotter), Американдық желіс жылқысы (Стандартбред) (American trotter).