Ромен қаз тұқымы (Romensky breed of geese)

Тарихы

Украиналық қаз тұқымы Сумы облысының Ромны қаласында шығарылды. Тұқым жақсартылған ет және жұмыртқа өнімділігін алу үшін жергілікті қаздарды көпжылдық будандастыру нәтижесінде пайда болды. Қазіргі уақытта Ромен қаздары Украинаның көптеген аймақтарында кең таралған: Сумы, Киев, Чернигов, Полтава және т.б. Негізінен бұл тұқымды шағын фермалар мен үй шаруашылықтары өсіреді.

Тұқым стандарты

Ромен тұқымы қаздарының конституциясы мықты. Басы доғал, орташа пішінді, маңдайында томпағы жоқ. Мойны қысқа жуан. Тұмсығы қызғылт сары, ұшы сұр немесе қара. Кеудесі кең, ішінде 1-2 тері қатпарлары бар. Құлашы кең мықты қанаттары тұлғасына тығыз қабысып тұрады. Кішкентай құйрық сәл көтеріңкі. Қысқа, мықты аяқтар алшақ орналасқан, қызғылт-қызыл түсті. Қауырсыны сұр (80%), ақ, шұбар. Аталық қаздардың тірідей салмағы - 6-7 кг, аналық қаздардікі – 4,5-6 кг.

Шаруашылық сипаттамасы

Бұл тұқымның қаздары қоршаған ортаға жақсы бейімделеді және суыққа, ыстыққа, температураның күрт өзгеруіне жақсы төзеді. Олар тез салмақ қосады және жоғары дәмік қасиеттері бар нәзік ет береді. Мамығы мен қауырсынының қасиеттері жақсы. Аналық қаздар – жақсы ұябасарлар, аналық түйсігі айқын байқалады. Ромен қаздарының жұмыртқалағыштығы – шамамен 20 жұмыртқа. Жұмыртқаларының салмағы 145-160 г. Ұрықтануы – 80%. Балапан шығуы 60% құрайды. 5 айына қарай жас балапандардың салмағы ересек құстардікіне жетеді.

Қызықты мәлімет

Бұл тұқымның біршама аз саны 60 күнге дейінгі жас балапандардың тірідей салмағының өсу қарқынының төмендігімен және жүнінің түсіне байланысты құс ұшаларының сапасының төмендігімен байланысты.

Ұқсас тұқымдар

Арзамас қазы (Arzamas), Урал ақ тұқымы (Ural white goose).