Ресейлік етті меринос қой тұқымы (Russian meat merino)

Тарихы

2011 жылы Маныч және Кеңестік меринос пен Ставрополь тұқымын, сондай-ақ Австралияның жетекші зауыттарының етті мериностарын будандастыру кезінде Ставрополь қой шаруашылығының бәсекеге қабілеттілігін арттыру мақсатында Ресейлік етті меринос (РЕM) тұқымы шығарылған болатын. 2016 жылы тұқым танылды, 2017 жылы мемлекеттік асыл тұқымдар тізілімінде тіркелді. Ресейлік етті меринос қойлары тұқымы Ставрополь өлкесінің шығыс аймағы жағдайларында құрылды. Базада 6 шаруашылық: Апанасенск ауданының "Родина" колхозы, Арзгир ауданының Ленин атындағы а/ш кооперативі, асыл тұқым зауыты, "Маныч" колхоз-асыл тұқым зауыты, "Россия" колхоз-асыл тұқым зауыты, Апанасенск ауданының " Путь Ленина" кооперативі МӨЗ, Ипатов ауданының "Племзавод 2- пятилетка" а/ш кооперативі.

Тұқым стандарты

Олардың күшті түзілісі, пропорционал дене құрылысы, жақсы көрінетін етті пішіндері бар, қатпарлылығы төмен. Көкірегі көлемді, кеуде терең, кең, арқасы түзу, белі кең, құйымшағы жақсы бұлшық етті, жауырыны мен саны жақсы орындалған. Басы орташа көлемді, биязы жүні көз сызығына дейін, аяқтары мен білек пен секіру буындарына дейін өседі. Жануарлар бойшаң. Аяқтары мықты, ұзын және кең қойылған. Барлық дарақтары мұқыл.

Шаруашылық сипаттамасы

Жүні қалың, жұқа және теңелген, ұзындығы 8-12 см, қалыңдығы 17-22 мкм. Қошқарлардың жуылмаған жүнінің қырқылымы - 8-11 кг, сапасы 70-64. Аналық бас жүнінің беріктігі 8,3-8,7 сН/текс. Жуылған жүннің шығысы 62-65% құрайды. Жоғары өсу энергиясы байқалады. Жарты жылдық жасында сою массасы кем дегенде 13 кг-ға жетеді. Еті аппақ, жоғары дәрежелі. Сою шығысы - 46-47%. Өсімталдығы жақсы, 100 саулық қойға кем дегенде 125 қозыдан келеді. Артықшылықтары: тірі массасы мен жүн қырқылымы бойынша ет-жүнді тұқымдарға қолданыстағы қойылатын ең аз талаптардан 20-80% артық болады.

Ұқсас тұқымдар

Куйбышев қойлары тұқымы (Kuibyshev breed), Татарстан қойлары тұқымы (Tatarstan breed), Волгоград қойлары тұқымы (Volgograd).