Орыс мініс жылқысы (Russian riding)

Тарихы

Граф А.Г. Орлов-Чесменский Хреновск жылқы зауытында отандық желіс аттарын өсірумен қатар, атты әскердің қажеттіліктері үшін мініс жылқысын шығарумен де айналысқан. Араб, таза қанды мініс жылқысы және, бәлкім, ақалтеке тұқымын жаңа түр өсіру мақсатында күрделі будандастыру қолданылды, сонымен қатар еуропалық буданды тұқымдардың қанының шамалы үлесі болды. Манеждік жүріс сынақтары өткізілді. Біраз уақыттан кейін граф Ф.В. Ростопчин мініс жылқы тұқымын өсіре бастады. XIX ғасырдың ортасында мемлекет екі зауытты да сатып алғаннан кейін Ресейде ғана емес, сонымен бірге шетелде де кеңінен танылған біріккен орлов-ростопчин жылқысы шыға бастады. Тұқым Бірінші дүниежүзілік соғыс пен Азаматтық соғыс жылдарында үлкен зиян шекті, оны орыс жылқысы деп қалпына келтіру 1930 жылдары басталды. Ұлы Отан соғысы жылдарында мал басының едәуір бөлігі жоғалды. Қалпына келтіру жұмыстары Свердлов облысының Қызыл гвардия зауытында басталды. Алайда, 1953 жылы ауыл шаруашылығының толық механикаландыруға қайта бағытталуына байланысты көптеген жылқы зауыттары жойыла бастады, мал басының қалдығы Украинада қалып, украин мініс жылқысының қалыптасуында қолданылды. 1978 жылы К.А. Тимирязев атындағы МАША мамандарының басшылығымен орыс мініс жылқысы тұқымын қайта шығару туралы шешім қабылданды, олардың негізгі шаруашылығы Рязань облысындағы Старожиловский зауыты болды. Күрделі қайта жаңғырту мақсатында будандастыру кезінде орыс мініс жылқысы, араб, таза қанды мініс жылқысы, ақалтеке, тракенен тұқымдарының сақталған шатыстары қолданылды. Бұл жүйеде орыс мініс жылқысының типі жақсы сақталған және бекіген. Тренинг және сынақ жүйелері қолданылды. Тұқым мемлекеттік тіркеу, кадастр және картография жөніндегі федералдық қызметі тізіліміне енгізілген.

Тұқым стандарты

Конституциясы мықты. Дене бітімі үйлесімді, бұлшықеттері жақсы жетілген, сырты бітімі араб жылқысына ұқсайды. Шоқтығының орташа биіктігі - 163 см, тұрқының қиғаш ұзындығы – 165 см, жіліншік орамы – 20,0 см. Тірідей салмағы 500 кг. Басы жеңіл, бет кескіні тік немесе біршама ойыс, көк желкесі айқын. Мойны ұзын. Шоқтығының ұзындығы орташа, жалпақ. Кеудесі кең, терең. Топшысы ұзын, бұрышы жақсы. Арқасы жұмсақ, жалпақ, бұлшықеттері жақсы дамыған. Белі жалпақ. Сауыры орташа, біршама төмен. Аяқтары ұзын, мықты, дұрыс орналасқан, буындары жақсы дамыған, тұяқтары берік. Түсі баран, қаракер, сирек торы. Жалы мен құйрығы қою емес, өзі түстес.

Шаруашылық сипаттамасы

Классикалық ат спорты түрлерінде қолданылады. Ат спорты мектептері мен клубтарында пайдаланылады.

Ұқсас тұқымдар

Перу пасосы (Peruvian paso)