Қарлы тұқым (Snowy)

Тарихы

Бұл тұқымның бастаушыларды да, тұтынушыларды да қызықтыратын өте әдемі терісі бар. Тұқымды алтын және күміс саз құндыздарды жұптастыру жолымен шығарды.

Тұқым стандарты

Түсі – аппақ қардай, ал құлақтары, құйрығы мен танауы – қызғылт. Ерні мен жақтарында - вибристер – ақ түсті қатты ұзын қылшықтар. Көздері – ақшыл қой көзді. Көкірегі жерге жақын орналасқан, сәл созылған. Басы үлкен, жүзген кезде көруі жайлы болуы үшін көздері басының ұшында орналасқан. Құлақтың жарғағы сыртында қылшықсыз дерлік, ал ішінде – жүн басқан.

Шаруашылық сипаттамасы

Жақсы бордақылағанда үлкен дарақтары 10 кг жетеді. Ұрғашыларының ұзындығы – 50–60 см, еркектерінің – 70–80 см. Басқа тұқымдармен будандастырғанда, ұяласқанда – 6 төлге дейін. Орташа өсімталдығы – 4-5 төл. Терісі – сәнді, тонға әуесқойлардың сұранысына ие. Одан сондай-ақ манто, бешпеттер мен бас киімдер тігеді. Сапасы бойынша классикалық қара күзеннен кем емес. Қылшықтары таза ақ, азғантай да пигментациясы жоқ. Еті – деликатес, қоян еті мен тауық етінен кем емес. Жақсы төл алу үшін аппақ қардай саз құндыздарды басқа тұқымдармен шағылыстырады. Екі аппақ қардай дарақты шағылыстырғанда, ұялас төлінің саны аз болады. Ақ седепті немесе сарғыш саз құндызбен шағылыстырған жақсы. Тұқымның үш түр өзгешелігі бар, бірақ олардың ұқсастығы соншалықты, оларды саз құндыз өсірушілер ғана ажыратуға қабілетті.

Ұқсас тұқымдар

Азербайжандық ақ (Azerbaijani white). Сарғыш (Сабия), Алтынданған (Goldenish), Лимон тұқымы (Lemony), Пастель түсті (Pastel).