Салерно (Solerno)

Тарихы

Салерно – 18 ғасырдың аяғында Италияда Персано жылқы зауытында өсірілген жылқы тұқымы. Негізгі табын өте жоғары сапалы, әр түрлі тұқымды жылқылардан (неаполитан, шығыс, испан жылқылары) тұрды. Жаңа тұқымға Испан королі Карл III қолдау көрсетті, соның арқасында Персанода жылқы зауыты құрылды. Мұнда негізгі табынға жергілікті жылқылар мен липициан жылқыларының қаны араластырылды, бұған қоса жаңа тұқымды өсіруге үш айғыр маңызды әсер етті: Плуто, Конверсано және Наполетано, бұлар негізін қалаушы айғырлар қатарына жатады. Бастапқыда жаңа тұқым персано жылқысы деп аталды. Олар ауыр типті жылқыларға жататын, сырт бітімі испандық тектерін ұқсас, сапалы, әмбебап мініс жылқылары болды. Тұқымды өсіру Персанодағы жылқы зауытында 1864 жылға дейін жалғасты. Содан кейін зауыт жабылып, жылқылардың саны біртіндеп азая бастады. Тұқымды қалпына келтіру 1900 жылы басталды және атауы салерно болып өзгертілді. Тұқымға көптеген ағылшынның таза қанды тұқымдарының, сондай-ақ гакнэ қаны құйылды. Бұл тұқымды едәуір асылдандырып, жақсартты, сонымен қатар оның биіктігі артты.

Тұқым стандарты

Басы әсем, бет кескіні түзу, мұрнына қарай сәл дөңес, маңдайы кең, көздері үлкен, құлақтары тік, кең орналасқан, танауы кең. Мойны ұзын, әсем. Шоқтығы шығыңқы, арқа-бел сызығы түзу және қысқа, белі қысқа және күшті, сауыры ұзын және көлбеу. Кеудесі жалпақ, арқасы ұзын және дөңес. Аяқтары мықты, жақсы орналасқан: иықасты етті, жіліншігі жіңішке, бірақ төзімді; шабыс буындары дұрыс бұрышпен орналасқан; сіңірлері білеуленген. Тұяқтары жалпақ, дөңгелек пішінді, тығыз, тегіс жабыны бар. Түсі торы, жирен, баран, көк. Шоқтығының биіктігі: 162-170 см.

Шаруашылық сипаттамасы

Салерно жоғары сапалы мініс жылқыларына айналды, әсіресе әскерилер арасында танымал болды. Бүгінгі таңда, өкінішке орай, тұқым өзінің ерекше қасиеттеріне қарамастан өте сирек кездеседі.

Ұқсас тұқымдар

Перу пасосы (Peruvian paso), Орыс мініс жылқысы (Russian riding), Рэкинг хорс (Racing horse).