Тәжіктің жүнді ешкі тұқымы (Tajik Mohair)

Тарихы

Тәжіктің жүнді ешкілері Тәжікстанда өсірілген жергілікті ешкілерге жатады. Бұл кеңестік жүнді ешкілердің тұқым ішілік түрі. Өнімділік бағыты жүнді. Тәжікстанның Ленинабад облысында тәжіктің жүнді ешкілерін өсіретін екі асыл тұқымды ешкі шаруашылығы — Эржигитов атындағы және «Кзыл-Юлдуз» асыл тұқымды мал зауыттары бар.

Тұқым стандарты

Тәжіктің жүнді ешкісі тұқымы ангора типіндегі басқа ешкілерден таулы-отарлық-жайылымдық күтімге бейімделуімен, конституциясының мықтылығымен және (люстралы) жылтырлығы бар жүнінің аса жоғары біркелкілігімен және қылшығының аздығымен ерекшеленеді.

Шаруашылық сипаттамасы

Текелерінің тірідей салмағы 50-60 кг, ешкілерінікі — 34-38 кг. Текелердің жүн қырқымы – 3,0-4,5 кг, ал ешкілердікі — 1,8-2,2 кг құрайды. Жүні жартылай жұқа, негізгі жіңішкелік сапасы – 44-50. Жүнінің орташа ұзындығы 18-22 см, аралық талшықтың мөлшері 96-99%, таза жүннің шығымы 75-80%. Өсімділігі 100-105%. Сүттілігі 90-115 кг. 100 саулыққа шаққанда орта есеппен 97-105 төл туады. Саулықтардың сүттілігі 1-2 төлдің қалыпты дамуын қамтамасыз етеді.

Ұқсас тұқымдар

Ангора ешкі тұқымы (Angora), Пигора ешкі тұқымы (Pygora Goats).