Құлақты көк қырғауыл (Crossoptilon)

Тарихы

Құсты батыс және Орталық Қытайдың таулы-орманды жерлерінен табуға болады. Қытайдан Францияға 1929 жылы әкелінді.

Тұқым стандарты

Құс түтін түстес сұрға боялған. «Маскасы» – қызыл, ақ құлақ қауырсындары бар. Сол себепті құсты құлақты көк қырғауыл деп те атайды – қауырсындары өткір құлақтарға немесе мұртқа ұқсайды. Табандары ұзын, қызғылт түсті. Еркек құстардың тепкі тырнақтары бар. Құйрығы – сәнді, көк немесе қара. Еркек құстардың ұзындығы 100 см-ге жетеді, сол ұзындығының жартысынан көбін құйрығы құрайды. Құлақты көк қырғауылдар өз тұқымдастарымен салыстырғанда едәуір салмақты. Еркек құстың орташа салмағы – 1,7-2,1 кг, ұрғашы құстікі – 1,5-1,75 кг.

Шаруашылық сипаттамасы

Ұяда – 6-12 жұмыртқа. Жұмыртқалары үлкен, сұр немесе сұр-қоңыр түсті. Тұқым аязға төзімді және өте көнбіс. Олар қарда жүргенді ұнатады және суықтан мүлдем зиян шекпейді. Көк қырғауылдарды жеммен және астық қоспасымен қоректендіреді. Кейбір құс асыраушылар қырғауылдарға итке арналған тағамды береді. Шөптері мен бұталары бар кең қоршауларды қажет етеді. Құстардың отыруы үшін бөренелер жасақталуы керек. Құс ылғалдылықты ұнатпайды, сондықтан дренаж үйесін қамтамасыз ету керек.

Ұқсас тұқымдар

Кәдімгі қырғауыл (Common pheasant), Аңшылық қырғауыл (Hunting pheasant), Жасыл қырғауыл (Green pheasant), Алтын қырғауыл (Chrysolophus pictus), Гауһар қырғауыл (Амхрест ханым) (Chrysolophus amherstiae), Корольдік қырғауыл (Syrmaticus reevesi), Күміс қырғауыл (Lophura nycthemera).