Венгр будан жылқысы (Hungarian horse breed)

Тарихы

Венгр тұқымы Mezohegyes Мемлекеттік венгр жылқы зауытында, Кибшерде (1876 жылы британдық Дербиді жеңіп алған жылқының атымен аталған) және Кечкеметте (липицан мен желісті тұқымдардың қанына негізделген будан жылқылармен танымал) өсірілді. Оны өсіру өткен ғасырдың 1960 жылдарында басталды. Тұқымды құру ганновер және Голштин тұқымдарымен бірнеше венгр жылқы тұқымдарын (Kisber Felver, Gidran, Furioso-North Star) іріктемелі тұқымаралық шағылыстырумен арқылы өтті. Бастапқыда аталған венгр тұқымының биелері будандастыруға тартылды, бірақ кейіннен асыл тұқымды жылқыларға, содан кейін араб тұқымдарына баса назар аударылды.

Тұқым стандарты

Венгр будан жылқысының биіктігі орта есеппен 160-163 см-ге жетеді. Олар пропорционалды дене бітімімен және күшті сауырымен ерекшеленеді. Жалпы, олардың сыртқы түрі әр түрлі болуы мүмкін. Бірақ көбінесе олардың қиғаш қойылған иықтары, күшті аяқтары болады. Тұқымның түсі кез келген біртекті болуы мүмкін: сұр, торы, қызыл немесе қара.

Шаруашылық сипаттамасы

Венгр будан жылқылары өте ақылды, зейінді және зерек. Олар ақылды және талғампаз, керемет оқу және жаттығу қабілеттеріне ие. Бұл жылқылар заманауи спорттық жылқының талаптарына толық жауап береді. Олардың жанды, белсенді темпераменті бар. Венгр будан жылқылары ат спортының барлық классикалық түрлеріне жарамды: үйрету, конкур, үшсайыс. Олардың қимылдары жақсы, әсіресе шоқырақта. Венгр будан тұқымы халықаралық жарыстарда үлкен жетістіктерге жетті. Айғырлар арасында үнемі қатаң іріктеу жүргізіледі. Тұқымның ең үздік өкілдері - Ранди және Покер айғырлары.

Ұқсас тұқымдар

Кишбер буданы (Kishberian half-breed).