Оңтүстік германдық ауыр жүк жылқысы (South German heavy draft)

Тарихы

Оңтүстік германдық ауыр жүк жылқысы – немістің көсем жеңілетін жылқыларының ең жеңілі. Жегіс жылқысы үшін бұл тұқымның жылқысы асыл көрінеді. Бұл мықты және епті ауыр жылқы он тоғызыншы ғасырдың аяғында Германияның оңтүстігіндегі Баварияға әкелінген австриялық норикендердің ұрпағы болып келеді. Жергілікті тұқымды жақсарту және дамыту мақсатында Жоғарғы Бавария селекционерлері голштиндер мен олденбургтердің қанын қосты, ал Төменгі Баварияда олденбургтер мен Кливленд торыларынан бастап клейдесдальдар мен бельгиялық ауыр жүк тартатын жылқыларына дейін әртүрлі нұсқалармен тәжірибе жасалды. Уақыт өте келе, неміс селекционерлері отандық норикендердің көмегімен тұқымды жақсартуға кірісті. Бүгінде олар негізінен Бавария мен Баден-Вюртембергте өсіріледі.

Тұқым стандарты

Оңтүстік германдық ауыр жылқы – кішкентай, жігерлі жүк аты. Мейірімді көздері бар әдемі және өте үлкен басы ерекше назар аудартады, мойны қысқа, жалы ақшыл сары (зығыр) түсті; иықтары мықты, арқасы мықты, кеудесі терең, мықты, мығым аяқтарының азғантай жүні бар. Қазіргі заманғы өлшемдегі оңтүстік германдық ауыр жылқы басқа жегіс жылқыларына қарағанда ептірек, ал адымдап жүргенде және жорта желігенде шапшаң. Шоқтығының биіктігі: 145-150 см (бие) 150 – 156 см (айғырлар). Түсі: торы, шабдар, қоңыр, аққұба жалы мен құйрығы бар.

Шаруашылық сипаттамасы

Бұл флегматикалық темпераменті бар тұрпаты пропорционал келіскен жылқылар, оларды шерулер мен жәрмеңкелерде жиі кездестіруге болады, сондай-ақ өте сирек егістікте жұмыс істеп жүргенін көруге болады. Олар бұрынғысынша норикендерге ұқсайды, бірақ олардан бойы біршама аласалау.

Ұқсас тұқымдар

Ютланд жылқысы (Дат ауыр жүк жылқысы) (Jutland)