AgriTek/FarmTek көрмесі осы аптада өтеді

AgriTek/FarmTek Astana'2023 ауыл шаруашылығының халықаралық мамандандырылған көрмесі 29-31 наурызда елордалық EXPO-орталықта: ауданы 11 мың шаршы метр залда және іргелес алаңда өтеді. Іс-шараны TNT EXPO компаниясы ұйымдастырады.

AgriTek/FarmTek Astana'2023 Қазақстандағы маңызды ауыл шаруашылығы іс-шараларының біріне айналды. Ол ҚР Ауыл шаруашылығы министрлігінің, Астана әкімдігінің, Қазақстан фермерлер қауымдастығының, Қазақстан құс өсірушілер Одағының ресми қолдауымен өтуде. Ресми серіктес - ҚазАгроҚаржы.

Көрме UFI Approved Event мәртебесіне ие болды, ол оқиғалардың жоғары ұйымдастырушылық деңгейін, олардың бизнесті дамытуға және саланы қалыптастыруға әсерін куәландырады, сондай-ақ статистиканың дұрыстығын растайды.

AgriTek/FarmТekАstana-2023-те өз өнімдерін Ұлыбритания, Германия, Дания, Израиль, Италия, Қазақстан, Қытай, Нидерланды, Польша, Ресей, АҚШ, Түркия, Украина, Франция және басқа елдерден 200-ден астам компания ауыл шаруашылығы үшін қажеттінің барлығын ұсынады.

AgriTek/FarmTek Astana'2023 тақырыбына ауыл шаруашылығы техникасы мен жабдықтары, қосалқы бөлшектер, суару және тыңайтқыш технологиялары, тұқымдар мен көшеттер, тыңайтқыштар, өсімдіктерді қорғау құралдары, құс және мал шаруашылығына арналған жабдықтар мен технологиялар, мал азығы, ветеринариялық технологиялар және т.б кіреді.

Сонымен қатар, көрме аясында іскерлік бағдарлама жоспарланған: 29 және 30 наурызда семинарлар мен конференциялар жоспарланған, онда отандық және шетелдік компаниялардың өкілдері тұқым шаруашылығы, астық сақтау, тыңайтқыштар, мал шаруашылығы және жемшөп қоспалары және т.б. туралы әңгімелейді.

Көрмеге жыл сайын 4 мыңнан астам фермерлер мен басқа да ауыл шаруашылығы қызметкерлері келеді.

Сіз көрмеге алдын-ала ұйымдастырушының сайтында немесе ашылғаннан кейін тіркеу үстелінде тіркеле аласыз.