Ағымдағы жылы Қазақстанда СҚО тәжірибесін тираждау бағдарламасы бойынша суару бойынша 44 жоба іске асырылады. Бұл туралы Орталық коммуникациялар қызметінде өткен брифингте ауыл шаруашылығы вице-министрі Азат Сұлтанов мәлімдеді.
"2024 жылдан бастап суару жобалары СҚО тәжірибесін көбейту шеңберінде несиеленетіндер тізбесіне енгізілді. Ағымдағы жылы жалпы сомасы 32,2 млрд теңгеге 44 жобаны іске асыру жоспарлануда", - деді Азат Сұлтанов.
Ол 2024 жылдың мамыр айынан бастап су үнемдеу технологияларын енгізу кезінде шығындарды субсидиялау нормативі 80% - ға дейін көтерілгенін, онда 30% жергілікті бюджеттен өтелетінін атап өтті.
Сондай ақ фермерлерді заманауи су үнемдеу технологияларын қолдануға ынталандыру мақсатында 2023 жылы фермерлерге су беру қызметтерінің құнын субсидиялау қағидаларына
өзгерістер енгізілді. Субсидиялардың мөлшері суару әдісіне байланысты сараланған. Енді суды үнемдеу технологияларын қолданбай суару кезінде өтеу пайызы, сумен жабдықтау әдісіне қарамастан, үш жыл ішінде кезең-кезеңімен төмендейді және тариф құнына байланысты 30% - дан 55% - ға дейін болады. Суды үнемдеу технологияларын қолдана отырып суару кезінде өтемақы 60% - дан 85% - ға дейін болады.
Ауа-райына байланысты алынбаған егіннің шығынға ұшырауын азайту үшін фермерлер егінді сақтандыра алады. Субсидиялау бағдарламасы бойынша сақтандыру сыйлықақысының 80% мемлекет өтейді. Бүгінгі таңда елімізде жалпы сомасы 3 млрд теңгеге 490,2 мың га сақтандырылған.
Сонымен қатар, Азат Сұлтанов биылғы вегетациялық кезеңде құрғақшылық қаупі төмен екенін атап өтті. Күзде және қыста мол жауын-шашын жеткілікті ылғалдың жиналуына мүмкіндік берді. Сондай-ақ, аграрлар ылғалды жабу бойынша агротехникалық жұмыстарды уақтылы жүргізді.
