Алматы облысында 514 мың гектар пайдаланылмаған ауыл шаруашылығы жерлері анықталды

Алматы облысында жергілікті атқарушы органдар 514 мың га пайдаланылмайтын ауыл шаруашылығы мақсатындағы жерлерді анықтады. Жер 1266 бизнес субъектісінің пайдалануында. Бұл туралы облыс әкімінің баспасөз қызметі хабарлады.

«Соттарға жалпы ауданы 109 мың га пайдаланылмайтын жер учаскелерін мәжбүрлеп алып қою туралы 198 талап қойылды. Қазіргі уақытта соттардың шешімдерімен жалпы ауданы 30 мың га жер учаскелері бойынша 44 талап-арыз қанағаттандырылды», - деп хабарлады әкімдік.

Облыстың жер ресурстарын басқару департаменті 50 мың гектар аумақта 248 шаруашылыққа ұйғарым берді. Ерікті негізде 38 мың га мемлекеттік меншікке қайтарылды.

Жалпы ауданы 83 мың га жер учаскелері бойынша 186 субъектіні пайдалануға кірісті. Ауданы 3 мың га болатын тағы бес жер учаскесі иесіз мүлік ретінде есепке алынды.

Қалған жер учаскелері бойынша тиісті шаралар қабылдау үшін материалдар жинау жұмыстары жүргізілуде.