Алматы облысының Еңбекшіқазақ ауданында 54 мың гектар жер мемлекеттік меншікке қайтарылады, кейіннен алынған жайылымдар жергілікті тұрғындар арасында қайта бөлінеді. Бұл туралы облыс прокуратурасынан хабарлады.
"Жалпы ауданы 54 мың гектардан асатын 120 жайылымдық жер мәлімделген нысаналы мақсаты бойынша пайдаланылмайтыны анықталды. Бұл меншік иелері мен жер пайдаланушыларда мал жоқ дегенді білдіреді және бұл жерлер азаматтар мен мемлекетке ешқандай пайда әкелмеді", - деді прокуратура.
Прокуратура шараларымен мемлекеттік меншікке 180 млн теңге сомасына 18 мың гектар жайылымдық жер қайтарылды. Қалған жерлерді қайтару бойынша жұмыс жалғасуда, қазіргі уақытта сотта қаралуда.
Естеріңізге сала кетейік, жалпы Қазақстан бойынша 2022 жылдан бастап 10 млн га пайдаланылмаған немесе бұзылған ауыл шаруашылығы жерлері, жайылымдардың басым бөлігі мемлекет меншігіне қайтарылды. Ағымдағы жылы ұтымды пайдаланылмайтын тағы 2 млн гектарға жуық жер алынуы ықтимал.
