Болжам бойынша, осы маусымда Түркістан, Қызылорда және Жамбыл облыстарының аграрлары суармалы сумен қамтамасыз етіледі. Бұған тасқын сулардың жинақталуы ықпал етеді, сондай-ақ көрші елдермен су беру лимиттерін ұлғайту туралы уағдаластықтарға қол жеткізілді. Бұл туралы премьер-министрдің баспасөз қызметі хабарлады.
Қазақстандағы суармалы жердің жалпы ауданы биыл 1,5 млн га құрайды. Оның негізгі бөлігі алдағы жазда ыстық әрі құрғақ ауа райы болжанып отырған оңтүстік өңірлерге тиесілі. Суару жұмыстары басталып кетті, сумен жабдықтаудың бекітілген көлемі вегетациялық кезеңнің сапалы өтуін қамтамасыз етеді", - деп хабарлады үкіметте.
Өзбекстанмен уағдаластық бойынша Шардара су қоймасының толықтығы биыл 300 млн м3 ұлғайды және 4,8 км3 деңгейінде сақталады, мамыр айындағы орташа су ағыны 2023 жылы 90 м3/с қарсы 350 м3/с құрады. Сәуір-мамыр айларында Шардара су қоймасына 1,4 км3 су құйылды, бұл өткен жылдың сәйкес кезеңімен салыстырғанда екі есе көп.
"Достық" каналының қазақстандық бөлігіне су беру лимиті 922 млн м3 көлемінде белгіленген.
Қазақстан, Тәжікстан және Өзбекстан арасында «Бахри Точик» су қоймасының биылғы шілде-тамыз айларына арналған жұмыс режимі кестесіне қол қою пысықталуда, бұл осы екі нысанға кепілді су беруді қамтамасыз етуге мүмкіндік береді.
Қырғызстан Республикасының (Киров, Орто-Токой) су қоймаларының гидрологиялық болжамдары мен қазіргі толу көрсеткішін ескере отырып, Қазақстан үшін Талас өзені арқылы 380 млн м3 көлемінде су беру бекітілді, бұл өткен жылғы деңгейден 44 млн м3 артық Биыл Шу өзенінен біздің елімізге 180 млн м3 көлем су алу көзделген, бұл 2023 жылғы көрсеткіштен 26 млн м3 артық.
Су тасқыны жағдайына байланысты еліміздің солтүстік, орталық, батыс және ішінара шығыс аймақтарында су қоймалары орта есеппен 70-тен 90%-ға дейін толтырылды. Қазақстанда барлығы 405 су қоймасы бар, олардың толық сыйымдылығының жиынтығы 14,9 млн м3 құрайды. Қолда бар су көлемі ауыл шаруашылығы мен өнеркәсіпте пайдаланылады.
Республиканың суға қажеттіліктерін ескере отырып, Қызылорда, Жамбыл, Түркістан, Батыс Қазақстан және Ақмола облыстарында жаңа су қоймаларын салу жоспарланған. Бүгінде Түркістан облысында «Бәйдібек ата» су қоймасының құрылысы жүріп жатыр.
