AITAS жаңа құс фабрикасына 270 млрд теңге инвестициялайды

Алматы облысының Жамбыл және Қарасай аудандарында Орталық Азиядағы ірі құс фабрикасының құрылысы жоспарлануда. Жобаға инвестиция көлемі 270 млрд теңгені құрайды. Бұл туралы AITAS холдингінің баспасөз қызметі хабарлады.

Алматы "Жетісу" құс фабрикасының бірінші кезегін пайдалануға беру 2027 жылға жоспарланған, екінші кезек 2029 жылы жұмысын бастайды. Құс фабрикасының жобалық қуаты жылына 240 мың тонна құс етін құрайды. Өңірде өндірістік объектіні іске қосу есебінен 7 мыңнан астам жұмыс орны құрылады.

"Алматы құс фабрикасы өңірдегі ең технологиялық және автоматтандырылған кәсіпорындардың біріне айналады және импортты қысқартып, елдің азық-түлік қауіпсіздігін қамтамасыз етуге мүмкіндік береді. Өндірісті салу және іске қосу облыс экономикасына мультипликативтік әсер береді - бұл халықты жұмыспен қамтуды ұлғайту, қаптама шығару немесе көліктен клинингке дейін түрлі сервистерді ұсыну сияқты сабақтас және жергілікті өндірістер мен қызметтерді дамыту. Жаңа құс фабрикасының жұмысы әлеуметтік ортаға әсер етеді және жалпы өңірдің инфрақұрылымын дамытуға үлес қосады", - деді AITAS холдингінің бас директоры Руслан Ильницкий.

Оның айтуынша, екі кезекті іске қосу барысында инвестициялардың жалпы көлемі 270 млрд теңгені немесе 6 600 млн теңгені құрайды.

Құс фабрикасын салу шеңберінде 384 құс үйі, жемшөп зауыты, 30 мың тонна астық сақтауға арналған элеватор, инкубатор және басқа да объектілер салынатын болады. Бұдан басқа, жалпы өнімділігі сағатына 24 мың басты құрайтын екі құс өңдеу зауыты іске қосылады - тірі құсты қабылдаудан бастап дайын мұздатылған және салқындатылған өнімді жөнелтуге дейін.

Холдингте құс фабрикасы жанындағы қасапхана мен ет өндірісінің қалдықтарынан ет және сүйек ұнын өндіру цехының құрылысына үлкен көңіл бөлінуде.

Қазіргі таңда объектінің техникалық-экономикалық негіздемесі бойынша жұмыс жүргізілуде және жұмыс жобасын әзірлеуді бастау жоспарлануда.