АНК және ҚАҚ су тасқынынан зардап шеккен фермерлердің төлемдерін кейінге шегереді

Аграрлық несие корпорациясы және оның еншілес ұйымы - ҚазАгроҚаржы су тасқынынан зардап шеккен қарыз алушылардың төлемдерін кейінге шегеруді ұсынады. Бұл туралы АНК баспасөз қызметі хабарлады.

2024 жылғы кестелер бойынша барлық төлемдер 2025 жылдан бастап қаржыландыру мерзімінің соңына дейін кейінгі төлемдерге бөлінді. 2024 - 2025 жылдары қарыздың аяқталу мерзімі бар жобалар бойынша 24 айдан аспайтын мерзімге ұзарту ұсынылатын болады. Ұзарту Бұл көктемгі егін егу және күзгі жиын-терім жұмыстарынан бөлек барлық бағыттарға қолданылады - осы қарыздар бойынша қайта құрылымдау/ұзарту туралы өтініштер егін жинау аяқталғаннан кейін қаралатын болады.

"Зардап шеккен қарыз алушылардың несиелері бойынша су тасқыны салдарының ықпалына байланысты туындаған төлемдерді кешіктіргені үшін айыппұлдар мен өсімпұлдар есептелмейді", - деп сендірді АНК-да.

Төлемді кейінге шегеруге өтінім беру үшін өтініш беруші әкімдіктер қалыптастыратын ТЖ/су тасқыны салдарынан зардап шеккендердің тізіміне енгізілуітиіс. Өтініш беруші АНК және КАҚ-та бар тізімдерде болмаған жағдайда, қарыз алушы форс-мажорлық мән-жайдың туындағанын растайтын аудандық деңгейден төмен емес жергілікті атқарушы органдардан құжат ұсынуы тиіс. Өтініштер қажетті құжаттар ұсынылған күннен бастап үш жұмыс күні ішінде қаралатын болады.

Сонымен қатар, АНК бұл шарттар 2024 жылғы 1 сәуірдегі жағдай бойынша АНК мен ҚАҚ алдында мерзімі өткен берешегі 90 күннен асатын қарыз алушыларға қолданылмайтынын атап өтті. Алайда мұндай қарыз алушыларды қолдау мақсатында тұрақсыздық айыбын есептеу 2024 жылғы 1 сәуірден 30 маусымға дейін тоқтатылады. Сондай-ақ, шарттар жеке-маңызды қарыздар классификациясына жататын қарыз алушыларға қолданылмайды (негізгі борыш қалдығы бар қарыздар қаржы институтының жеке капиталының 0,2%-на тең, атап айтқанда АНК бойынша – 863,0 млн теңге, ҚАҚ бойынша - 370 млн теңге). Мұндай қарыздар жеке тәртіппен қаралатын болады.