Аграрлық несие корпорацияның көктемгі егіс жұмыстарын ерте қаржыландыруды қамтамасыз ету үшін 15 млрд теңге мөлшерінде бюджеттік несие шеңберінде бірінші транш жіберілді. Жалпы алғанда, 2024 жылы егіс және егін жинау жұмыстарын жеңілдетілген несиелендіруге 140 млрд теңге көлемінде бюджет қаражаты көзделген, бұл кемінде 2 млн гектар алқапта егісті қамтамасыз етуге мүмкіндік береді. Бұл туралы ҚР Ауыл шаруашылығы министрлігінің баспасөз қызметі хабарлады.
Бағдарлама 2025 жылғы 1 наурызға дейін несиелеу мерзімімен (негізгі борыш пен сыйақы сомасының 50% өтеумен - 2024 жылғы 1 желтоқсанға дейін, қалған 50% 2025 жылғы 1 наурызға дейін) ауыл шаруашылығы өндірушілеріне жылдық 5% - дан аспайтын мөлшерлеме бойынша қарыз беруді көздейді. Осының арқасында фермерлер егінді келесі жылдың 1 наурызына дейін өздері үшін оңтайлы жағдайда сата алады және барынша пайда алады. Бұл ретте өтеудің түпкілікті кестелері фермерлермен қарыз шарттарын жасасу кезінде жеке тәртіппен қалыптастырылады.
"Егіс науқаны оңтайлы агротехникалық мерзімде өтуі үшін АӨК субъектілерінен қаржыландыруға өтінімдерді қабылдау 2023 жылдың желтоқсанында басталды. Бүгінгі таңда өңірлердегі фермерлерден келіп түскен өтінімдердің жалпы пулы шамамен 20,3 млрд теңгені қаржыландырудың жалпы сомасына 458 бірлікті құрайды. Оның ішінде 9,4 млрд теңгеге 200-ден астам өтінім мақұлданды", - деп хабарлады Ауыл шаруашылығы министрлігі.
Сондай-ақ, өткен жылдың қолайсыз ауа-райының салдарын жою бойынша іс-шаралар жалғасуда. 19 қаңтарға Аграрлық несие корпорациясы мен ҚазАгроҚаржыға 1145 ауыл шаруашылығы өндірушілерінен 51,2 млрд теңге сомаға несиелерді ұзартуға өтініштер келіп түсті, оның ішінде 46,1 млрд теңгеге 1061 өтінім ұзартуға мақұлданды. 5,1 млрд теңге сомасына тағы 84 өтінім қаралуда.
