АНК фермерлерге "Кен дала-2" бағдарламасы бойынша несие бере бастады

2024 жылы Қазақстанда көктемгі егіс жұмыстарын қаржыландыру көлемі 580 млрд теңгені құрайды: алдыңғы жылдармен салыстырғанда үш есе көп. Қаражаттың фермерлерге тез жетуі үшін вице-премьер Серік Жұманғарин несиелеу кезіндегі артық талаптарды жоюды тапсырды. Бұл туралы премьер-министрінің баспасөз қызметі хабарлады.

Биыл Азық-түлік корпорациясының форвардтық сатып алуына 40 млрд теңге бөлінді. Тағы 140 млрд теңге "Кен дала-1" бағдарламасы бойынша бағытталды. Ол бойынша 147,3 млрд теңгеге өтінім келіп түсті, 121,3 млрд теңге берілді.

"Кен дала-2" бойынша 22,5 млрд теңгеге 295 өтінім келіп түсті, оның 81-і 3,6 млрд теңгеге мақұлданды. Бұл ретте ауыл шаруашылығы өндірушілері тарапынан "Кен дала-2" бойынша жеңілдікті қаражат бөлу кезінде АНК тарапынан артық көтерілген талаптарға өтініштер келіп түседі. Олардың ішінде: соңғы үш жыл ішінде егілген алқаптар мен егістер туралы мәліметтерді растау, меншігінде не уақытша өтеулі пайдалану құқығында егіс алқаптарының болуы және ауыл шаруашылығы қызметінің үш жылдық тәжірибесі, артық ылғалдан сақтандыру және басқалар.

"Көктемгі дала жұмыстарына бөлінетін ақша елдің азық-түлік қауіпсіздігінің негізі болып табылады. Әр сұратуға жеке-жеке қарау керек. Таяу уақытта үкімет резервінен және жергілікті бюджеттерден пайыздық мөлшерлемені субсидиялау үшін 100 млрд теңге бөлінетін болады, бұл көктемгі егіс жұмыстарына ауыл шаруашылығы өндірушілері үшін жылдық 5%-бен қосымша 400 млрд теңге тартуға мүмкіндік береді. Ал, фермерлер бұл қаражатты еш кідіріссіз алуы тиіс", - деп атап өтті Серік Жұманғарин.