АНК "Қарыздарыңды өсімпұлсыз төле" акциясын жариялады

Аграрлық несие корпорациясы ағымдағы жылдың 15 желтоқсанына дейін "Қарыздарыңды өсімпұлсыз өте" акциясын өткізуде. Осы кезеңде мерзімі өткен берешегі бар (оның ішінде сот шешімі бойынша өндіріп алынған) несиелік серіктестіктер, тікелей қарыз алушылар және лизинг алушылар оны өсімпұлсыз өтей алады. Бұл туралы АНК баспасөз қызметі хабарлады.

"Егер клиентте несие беру туралы бірнеше шарт немесе қаржылық лизинг шарттары болса, әрбір міндеттеме бойынша өсімпұл сомасын есептен шығару жеке-жеке жүзеге асырылады", - деп түсіндірді Аграрлық несие корпорациясында.

​Қарыз алушы немесе лизинг алушы несие беру туралы бір шарт (қаржы лизингі шарты) шеңберінде мынадай төлемдерді толық өтеген кезде ғана өсімпұлды есептен шығаруға болады: мерзімі өткен сыйақы сомасы, мерзімі өткен негізгі борыш сомасы, мерзімі өткен негізгі борышқа есептелген сыйақы сомасы, айыппұл сомасы.

Акцияға қатысушы оған тек бір рет қатыса алады. Қарызды өсімпұлсыз өтеу үшін 15 желтоқсанға дейін Аграрлық несие корпорациясының банктік шоттарына ақша аудару қажет.