Аграрлық несие корпорациясы 2023 жылы Қазақстан фермерлерін 300 млрд теңгеден астам сомаға жеңілдікті шарттармен қаржыландырды. Өткен жылдың сәйкес кезеңімен салыстырғанда нақты қаржыландыру көлемі 86 млрд теңгеге артып, өткен жылдың нәтижелерінен 40% - ға озып кетті. Бұл туралы АНК баспасөз қызметі хабарлады. Жалпы, корпорация ағымдағы жылы қаржыландыруға 330 млрд теңге бөлуді жоспарлап отыр.
Аталған көлемнен 140 млрд теңге көктемгі егіс және егін жинау жұмыстарын қаржыландыруға бағытталды, бұл 3,5 млн га ауыл шаруашылығы жерлерін қамтуға мүмкіндік берді. 3,8 мыңнан астам фермер несие алды.
«Агробизнес» әмбебап бағдарламасымен мал шаруашылығын, өсімдік шаруашылығын дамыту және ауыл шаруашылығы өнімдерін қайта өңдеу жобаларына 2,5 мыңнан астам фермер қамтылған. Биыл 132 млрд теңгеден астам игерілді, бұл өткен жылғы көрсеткіштерден 19,6 млрд теңгеге артық.
Шағын бизнес үшін АНК-да «Іскер» микрокнесиелеу бағдарламасы жұмыс істейді. Микронесиелерді жылдық 6% мөлшерлеме бойынша алуға болады.
Биылғы жыл жастар үшін де маңызды болды, жыл сайынғы 2,5% - бен бүкіл Қазақстан бойынша жас кәсіпкерлер «Жастарға микронесие беру» бағдарламасы бойынша ең жоғары несие беру мерзімі 7 жылға дейін қарыз ала алады. Бұл бағдарлама бойынша 11,7 млрд теңгеден астам қаржы игерілді.
Ауыл шаруашылығы техникасы паркін жаңарту өзекті мәселе болып қала береді. Корпорацияның еншілес ұйымы - ҚазАгроҚаржы. 17,8 млрд теңге сомасына 3 мыңнан астам шағын несие берді. 113 млрд теңгеден астам сомаға 4,7 мыңнан астам ауыл шаруашылығы техникасын лизингке сатып алу қаржыландырылды. Сонымен қатар, биылғы жылы ҚАФюҚ «Өз жемшөбім», «Қазақстанда жасалған» және «Жасыл өнім» ауыл шаруашылығы техникасы мен жабдықтарын жеңілдетілген лизингке беру бағдарламаларын іске қосты.
