ҚР Үкіметінің қаулысымен Сұлтанов Азат Сиражиддинұлы ауыл шаруашылығы вице-министрі қызметіне тағайындалды. Бұл туралы Үкіметтің баспасөз қызметі хабарлады.
Азат Сұлтанов 1984 жылы туған. Қазақ мемлекеттік заң академиясын, Қазақ гуманитарлық-заң университетін, Қазақ ұлттық аграрлық зерттеу университетін бітірген.
Жеке компанияда заңгер, Қаржы министрлігі Мемлекеттік мүлік және жекешелендіру комитетінің Заң басқармасының сарапшысы, ҚР Ауыл шаруашылығы министрінің көмекшісі болып жұмыс істеді.
Әр жылдары АШМ-нің: кадрлық және әкімшілік қамтамасыз ету; инвестициялық саясат және қаржы құралдары; тамақ қауіпсіздігі департаменттері директорының орынбасары қызметтерін атқарды.
Сондай-ақ, халықаралық ынтымақтастық және экономикалық интеграция; ғылыми-технологиялық және техникалық саясат; өсімдік шаруашылығы өнімдерін өндіру және қайта өңдеу департаменттерінің директоры болды.
2021 жылдан бастап осы уақытқа дейін ҚР АШМ Ауыл шаруашылығы департаментінің директоры қызметін атқарды.
