"Бәйтерек" холдингі аграрларға арналған "Сыйақы мөлшерлемесін бөлу" атты эксперименттік жобаға бастамашы болды. Бұл туралы холдингтің баспасөз қызметі хабарлады.
Жоба өсімдік өсірушілерді жеңілдетілген қаржыландыру арқылы қолдауға бағытталған, алайда сыйақы мөлшерлемесін субсидиялау мемлекеттік қаражаттан емес, тауар жеткізушілер есебінен жүзеге асырылады.
"Жобаның мәні мынада: фермерлер жеңілдетілген сыйақы мөлшерлемесі бойынша қаржыландыруды алады, бірақ бұл мөлшерлемеге субсидиялар олар жұмыс істейтін тауарларды жеткізушілерден алынады. Бұл тәсіл фермерлер үшін несиелік ресурстардың қолжетімділігі мен тартымдылығын сақтай отырып, саланы жеткіліксіз қаржыландыру мәселесін тиімді шеше отырып, мемлекеттік бюджетке жүктемені едәуір қысқартуға мүмкіндік береді", - деп атап өтті "Бәйтерек" ҰБХ Басқарма төрағасының бірінші орынбасары Нұрболат Айдапкелов.
Пилоттық жоба аясында Қостанай облысының "Қарлығаш" несие серіктестігінің қатысушысы және қарыз алушысы - "FOODGRAIN" ЖШС қаржыландырылды. Холдингте егер эксперимент өзінің тиімділігін растайтын болса, "Сыйақы мөлшерлемесін бөлу" құралы өнеркәсіптік деңгейде енгізілетінін атап өтті.
Жобаға қатысуға мүдделі фермерлер Холдингтің еншілес ұйымы - Аграрлық несие корпорациясына анықтама қызметі: 5353 телефоны бойынша жүгіне алады.
