Ел байлығы/Богатство нации малшыларға арналған оқыту курсы Қазақстанда 1 қарашада басталды. Қазақстандық фермерлер үшін бұл тегін болады. Мал шаруашылығының әлеуетін енді ғана зерттеп жүрген және өз фермасын ашуды ойлап жүрген кәсіпкерден бастап, кеңейту мүмкіндіктерін іздейтін тәжірибесі бар мал өсірушіге дейін әрбір фермер курстан пайдалы ақпарат таба алады.
Фермерлердің табыс тарихы көбінесе жұмысты сауатты ұйымдастырумен байланысты, өйткені мал шаруашылығында көптеген ерекшеліктер бар, сондықтан Ел байлығы/Богатство нации курсы мал өсірудің ерекшеліктеріне баса назар аударады.
Сала сарапшылары мен табысты шаруашылықтардың өкілдері өз тәжірибелерімен бөлісіп, бизнестің барлық қыр-сыры туралы бөліседі. Ел байлығы/Богатство нации курсын қазақстандық және американдық сарапшы-практиктердің: Ернұр Айдаркин, Динара Жақыпжанова, Билл Прайс (Bill Price), Ермек Өмірзақов, Арсен Исламов, Дәурен Салықов, Нұрғали Бисекенов, Александр Суминов, Алексей Гриценко, Рауан Тұрғынбеков, Динара Молдағайыповалардың қатысуымен BaiBolsyn платформасына арнайы украиндық Культиварий командасы құрды.
Дәріскерлер жайылымды барынша тиімді пайдалану, танымал қазақстандық және шетелдік тұқымдардың күшті және әлсіз жақтары туралы; жануарлар үшін қандай аурулар аса қауіпті және олардың алдын алуды қалай қамтамасыз ету керектігі туралы; қай кезеңде бұқашықтарды сату тиімдірек, мемлекеттен субсидияларды қалай алу керектігі және тағы басқалар туралы қарапайым түрде түсінікті етіп айтып береді.
Курс аясында барлығы 11 спикердің қатысуымен 19 дәріс дайындалды, сондай-ақ малды тіркеу базаларымен және басқа салалық порталдармен қалай жұмыс істеу керектігін көрсететін 8 бейне нұсқаулық, бейнеге презентациялар, пайдалы сайттарға сілтемелер және ферманың сауатты жұмысын құру үшін қажетті басқа да ақпарат әзірленген. Оқыту онлайн режимінде жүзеге асырылады, сондықтан оны кез-келген адам өзіне ыңғайлы уақытта өте алады.
Курс басталғанға дейін оны ElDala.kz порталының бас редакторы Сергей Буянов және Бейбіт Ерубаев, KazBeef компаниясының бұрынғы бас директоры қарап үлгерді.
"Курстың басты құндылығы келесіде: тыңдаушы бірнеше сағат ішінде дәріскерлердің өздері жылдар бойы және ондаған жылдар бойы өз қателіктерінің бағасымен түсінген ақпаратты шоғырланған түрде алады. Енді курстың әрбір қатысушысының өз мал фермасының жұмысын ұйымдастыруда қажетсіз қателіктерден аулақ болу мүмкіндігі бар", - деп атап өтті Сергей Буянов.
"Бұл негізгі курс, мал шаруашылығына кіріспе. Бұл әсіресе жаңадан бастаушыларға пайдалы болады. Материал түсінікті баяндалған, спикерлер дұрыс таңдалған. Егер курстың жалғасы болса жақсы болар еді", - деді Бейбіт Ерубаев.
Сондай-ақ, оқыту курсы екі тілде – қазақ және орыс тілдерінде өтетінін атап өтеміз.
Курс материалдарын оқу үшін BaiBolsyn платформасына өтіңіздер.
