Қазақстанда 20 млн тоннадан астам астық бастырылды

Қазақстанда 30 қыркүйектегі жағдай бойынша дәнді және бұршақты дақылдар 13,6 млн гектардан астам алқапта жиналды. Орташа өнімділігі 14,8 ц/га болған кезде 20 млн тоннадан астам астық бастырылды. Бұл туралы АШМ баспасөз қызметі хабарлады.

Бидай 10,7 млн га алқапта жиналды, өнімділігі 14,2 ц/га кезінде 15,2 млн тонна бастырылды. Арпа 1,9 млн гектарға жиналды, өнімділігі 16,7 ц/га кезінде 3,3 млн тонна бастырылды. Сұлы – 158,2 мың га, өнімділігі 15,8 ц/га кезінде 250 мың тонна бастырылды.

Майлы дақылдар 494 мың гектарда жиналды. Орташа өнімділік 11,5 ц/га болған кезде 568 мың тонна бастырылды.

Картоп 95 мың гектар алқаптан жиналды, өнімділігі 233,8 ц/га, егін 2,2 млн тоннаны құрады. Көкөніс дақылдары 100,1 мың гектардан жиналды, өнімділігі 248,2 ц/га кезінде 2,4 млн тоннадан астам жиналды.

Бақша дақылдарын жинау 5 млн тоннадан асты, орташа өнімділік - 264,1 ц/га.

Егін жинау науқанына 149,9 мың трактор, 37,6 мың астық жинайтын комбайн, 14,9 мың орақ және 195 мың басқа техника жұмылдырылды.

Көктемгі егіс және егін жинау жұмыстарын жеңілдетілген қаржыландыру көлемі 580 млрд теңгені құрады, бұл өткен жылдармен салыстырғанда 3 есе көп.