Павлодар облысында жыл басынан бері халықтың мұқтаждығы үшін 8 мың гектардан астам жайылым қайтарылды. Жер қатынастары басқармасы қайтарылатын жерлердің көлемін ғана емес, олардың сапасын да бақылайтынына сендірді. Бұл туралы Өңірлік коммуникациялар қызметінде хабарлады.
Жер қатынастары басқармасының басшысы Мұрат Хамитов брифингте айтып өткендей, ауылдық аймақтағы жайылымдардың тапшылығы біртіндеп азайып келеді. Бүгінгі таңда тапшылық 125 мың гектарды құрайды, ал өткен жылы бұл көрсеткіш 280 мың гектардан асты.
"Осы жылдың басынан бері халықтың мұқтаждығы үшін 8200 гектар жайылым қайтарылды. Бұл Павлодар, Тереңкөл және Ақкөл аудандарындағы, Павлодар және Шарбақты аудандарындағы жерлер. Жалға берілетін барлық жерлер мерзімі аяқталғаннан кейін қалыпты жағдайда қайтарылуы керек. Егер бұл жерлер ластанған немесе тозған болса, онда олар пайдаланушының есебінен нормаларға сәйкес келтіріледі. Бұл жағдайда жергілікті атқарушы органдар тарапынан талап-арыз жұмысы жүріп жатыр", - деді Мұрат Хамитов.
Сондай-ақ, басқарма жер пайдаланушылардың назарын өрт қауіпті кезеңнің басталуына аударды. Егістіктерде өсімдік қалдықтары мен ауыл шаруашылығы дақылдарының жанама өнімдерін өртеуге жол берілмейді. Керісінше жағдайда, құқық бұзушыларға әкімшілік құқық бұзушылық туралы кодекстің 367 және 410-баптары негізінде тиісті шаралар қолданылатын болады.
