Қазақстанның Даму Банкі екінші деңгейдегі банктермен және басқа қаржы институттарымен ынтымақтастықта агроөнеркәсіптік кешендегі инвестициялық жобаларды жалпы сомасы 1 трлн 220 млрд теңгеге қаржыландыруды қамтамасыз етуге дайын. Бұл туралы үкіметтің баспасөз қызметі хабарлады.
ҚДБ басқарма төрағасы Марат Елібаев премьер-министр Олжс Бектеновтың қатысуымен өткен кеңесте банк Ауыл шаруашылығын дамыту бойынша басым бағыттарды, оның ішінде етті, сүтті және астықты терең өңдеу, өнеркәсіптік жылыжай шаруашылығын дамыту, құс фабрикаларын, көкөніс қоймаларын және етті мал шаруашылығы кәсіпорындарын салуды талдағанын хабарлады.
Қазіргі уақытта ҚДБ отандық инвесторлардың жаңа жобаларын қарауға кірісті.
Олжас Бектенов Банк басшылығына азық-түлік қауіпсіздігін қамтамасыз етуге, импортты алмастыруға және отандық ауыл шаруашылығы өнімдерінің экспортын ұлғайтуға бағытталған инвестициялық жобаларға басымдық бере отырып қарауды тапсырды.
Үкімет ҚДБ-ның агроөнеркәсіптік секторда жобаларды іске асыру тәжірибесі бар екенін атап өтті. Оның ішінде Ақмола облысында ет өндіретін құс фабрикасын, майлы дақылдар өңдеу зауыттарын салу және жаңғырту жұмыстарын атап көрсетуге болады. Сондай-ақ Банктің қаржыландыруымен Түркістан облысында еліміздегі ең ірі жылыжай кешенінің құрылысы басталды, оның бірінші кезеңі келесі жылы іске қосылады деп жоспарланып отыр.
