Премьер-министр Олжас Бектенов бұл туралы мәжілісмендердің сұрауына жауап ретінде хабарлады. Сондай-ақ, ол жануарларды тіркеу және әкімшілендіру мен бақылауды күшейту үшін мониторинг тетіктері бойынша жұмыс жалғасатынын атап өтті. Бұл туралы baibolsyn.kz bossagro.kz-ке сілтеме жасай отырып хабарлайды.
"Ауыл шаруашылығы министрлігі "Атамекен" ҰКП және мүдделі мемлекеттік органдармен бірлесіп, ауыл шаруашылығы өнімдерін өңдеу және тамақ өнеркәсібін дамыту саласында 2024-2028 жылдарға арналған кешенді іс-шаралар жоспарын әзірлеуде. Кешенді жоспар жобасында ауыл шаруашылығы жануарларының терісін дайындау бойынша 200-ден астам құрама орталықтар мен жүн дайындау бойынша 70-ке жуық ұйым ашу ұсынылуда", - деп түсіндірді Олжас Бектенов.
Олжас Бектенов өз жауабында Ветеринариялық бақылау және инспекция комитетінің өңірлік аумақтық бөлімшелері ауыл шаруашылығы жануарларын бірдейлендірудің ақпараттық жүйесінде күнделікті бейнебақылау жүргізетінін атап өтті.
Сондай-ақ, ауыл шаруашылығы жануарларының иелері үшін "Tort Tulik" тегін мобильді қосымшасы іске қосылды. Оған 7 негізгі модуль кіреді, олардың ішінде:
Бұл қосымшада 680 мыңнан астам мал иелері өздерінің мал басын тізімдей алады, ал бұл өз кезегінде ветеринариялық дәрігерлерге кешенді түрде, сондай-ақ ветеринариялық-профилактикалық іс-шараларды уақтылы жүргізуге мүмкіндік береді.
"АӨК дамытудың 2021-2030 жылдарға арналған тұжырымдамасына сәйкес ауыл шаруашылығы, қаржы және ұлттық экономика министрлерінің бірлескен бұйрығымен "Құс шаруашылығын, сүтті мал шаруашылығын дамытудың 2024-2026 жылдарға арналған Жол карталары" бекітілді. Жол карталарына сәйкес, 2025 жылға қарай асыл тұқымды қойларды тіркеудің барлық жүйесін және қой шаруашылығындағы селекциялық-асыл тұқымдық жұмыстың барлық жүйесін қамтитын кеңейтілген функционалы бар цифрлық платформаны жетілдіру жоспарлануда", - деп толықтырды Олжас Бектенов.
Жергілікті бюджет қаражаты есебінен терінің сапасына әсер ететін жануарлардың эктопаразиттік ауруларына (гиподерматоз, псороптоз) қарсы профилактикалық іс-шаралар жүргізілетіні, сондай-ақ түйіндік дерматитке қарсы вакцинация жүргізілетіні де маңызды мәселе болып табылады.
