Абай облысында төрт мал қорымы салынуда

Абай облысының Мақаншы ауданында – Көктерек, Қаратал, Қарабұлақ және Қарабұта ауылдарында мал қорымдарының құрылысы жүргізілуде. Құрылыс жұмыстарын орындауға үш ай уақыт бөлінді және бүгінгі күні жоспарланған көлемнің жартысынан көбі орындалды. Бұл туралы облыс әкімдігінде хабарлады.

Жұмыстарды жүргізудің бас мердігері "СемСтройПут" ЖШС болып табылады.

"Бұл біздің ауыл үшін маңызды құрылыс. Оның арқасында барлық санитарлық талаптар сақталады және жануарлардың өлекселері арнайы бөлінген орындарда өртеледі", - деп атап өтті Қарабұта ауылының тұрғыны Сағыныш Тұрғынбек.

Жұмыстарды белгіленген мерзімде аяқтау жоспарлануда. Жобалардың орындалу барысы жергілікті атқарушы органдардың бақылауында.