Аграрлық несие корпорациясының Ақтөбе филиалы директорының бұрынғы орынбасары алаяқтық жасағаны үшін бес жылға бас бостандығынан айырылды. Бұл туралы Қаржы мониторингі агенттігінің баспасөз қызметінен хабарлады.
Сотқа дейінгі тергеу барысында шаруа қожалығының басшысы "Сыбаға" бағдарламасы бойынша ІҚМ импорттық асыл тұқымды аналық басының 277 басын сатып алуға несие желісін ашу туралы өтінішпен АНК филиалына жүгінгені анықталды.
"Қарыз алушыға 90 млн теңге сомасында несиелік қаражат бөлінген. Осыдан кейін директордың орынбасары алдау және сенімге қиянат жасау арқылы шаруа қожалығының басшысын Ресейден мал сатып алу мен жеткізуді жүзеге асыру үшін ЖШС-мен келісім-шарт жасасу қажеттілігі туралы жаңылыстырған", - деп хабарлады ҚМА-де.
Ведомствоның мәліметінше, ШҚ есеп айырысу шотына 90 млн теңге аударған, алайда бұл ақшалай қаражатты корпорацияның Ақтөбе филиалы директорының орынбасары жеке мақсатта пайдаланған.
Алаяқтық фактісі бойынша ол бес жылға бас бостандығынан айырылды.
