Ермек Кенжеханұлы ҚР ауыл шаруашылығы вице-министрі болып тағайындалды

Үкімет қаулысымен Ермек Кенжеханұлы ауыл шаруашылығы вице-министрі қызметіне тағайындалды. Бұл туралы үкіметтің баспасөз қызметі хабарлады.

Ермек Кенжеханұлы 1988 жылы Түркістан облысында дүниеге келген. Аграрлық факультетті Рединг университетінің (Ұлыбритания) "агробизнес, менеджмент" мамандығы бойынша және Аджу университетін (Корея) бітірген. Президенттік жастар кадрлық резервінің мүшесі.

Еңбек жолын 2011 жылы "ҚазАгро" Ұлттық басқарушы холдингінде менеджер болып бастаған.

2013 жылы "Арқа" басқарушы инвестициялық компаниясы басқармасының басшысы болды.

2013-2014 жылдары – Қарағанды облысы Ақтоғай ауданы әкімі аппаратының басшысы.

2014-2015 жылдары - ҚР Ауыл шаруашылығы министрлігі басқармасының басшысы.

2015-2018 жылдары Ақтөбе облысының туризм және сыртқы байланыстар басқармасының басшысы болып жұмыс істеді.

2018-2019 жылдары - Ақтөбе облысының ақпараттандыру және сыртқы байланыстар басқармасының басшысы.

2019-2021 жылдары - Ақтөбе облысы Мәртөк ауданының әкімі.

2021-2022 жылдары - Ақтөбе облысы әкімінің орынбасары.

2022 жылдан бастап қазіргі уақытқа дейін – Түркістан облысы әкімінің орынбасары.