Жыл басынан бері фермерлерге 56,5 млрд теңге субсидия төленді

Gosagro.kz жүйесінде өтінімдерді қабылдау ашылған сәттен бастап бүкіл ел бойынша субсидия алуға 25,3 мың өтінім берілді. Жыл басынан бері төлемдер 56,5 млрд теңгені құрады. Бұл туралы ҚР Ауыл шаруашылығы министрлігінің баспасөз қызметі хабарлады.

Бұдан басқа, жүйеде пайыздық мөлшерлемені субсидиялау бойынша қаржы институттары 15,2 млрд теңгеге өтінім берді және төледі, өтінім тағы 21,3 млрд теңгеге төленеді деп күтілуде.

Ауыл шаруашылығы министрлігінің мәліметінше, тыңайтқыштарды субсидиялауға өтінімдер саны бес есеге өсті. Соңғы деректер бойынша оларды 5 832 фермер тапсырды, 2,1 млрд теңгеге өтінімдер мақұлданды. Бұған агрохимиялық картограммаларды пайдалану жөніндегі талаптардың күшін жою, сондай-ақ "Қазақстан Ғарыш Сапары" компаниясы арқылы алқаптарды цифрландыруды жыл соңына дейін кейінге қалдыру ықпал етті.

Барлық қызметтер gosagro.kz-да фермерлер үшін де, өтінімдерді қарайтын мемлекеттік органдардың қызметкерлері үшін де тегін негізде көрсетіледі.

Мемлекеттік ақпараттық жүйе басқа мемлекеттік органдардың дерекқорларымен интеграцияланған, бұл субсидиялауға өтінімдер беру процесін едәуір жеңілдетеді және субсидиялар алудың орындылығын растау үшін қажетті құжаттар топтамасын қысқартады.