АНК филиалы Ұлытау облысында ашылды

Жезқазғанда Аграрлық несие корпорациясының кеңсесі ашылды, онда 24 қызметкер қабылдауда. Кеңсеге күн сайын 10 адамға дейін кеңес алу үшін жүгінеді. Бұл туралы АНК баспасөз қызметі хабарлады.

Қазір АНК-да «Кең дала», «Агробизнес», «Іскер» және «Жастарға шағын несие беру» сияқты төрт беру бағдарламасы жұмыс істейді.

«Кең дала» бағдарламасы көктемгі егіс және егін жинау жұмыстарын жүргізу кезінде аграрларды қолдауға бағытталған және бюджеттік несие қаражаты есебінен іске асырылады. Банктер, несиелік серіктестіктер және микроқаржы ұйымдары арқылы қаржыландыру кезінде түпкілікті қарыз алушылар үшін мөлшерлеме жылдық 5% құрайды.

«Іскер» бағдарламасы стартап-жобаларды және ісін жаңа бастаған кәсіпкерлерді қолдауға бағытталған. Сыйақы мөлшерлемесі жылдық 6% құрайды. Бұл ретте қарыздар 7 жылға дейінгі мерзімге беріледі. Осы бағдарлама бойынша Ұлытауда 352 млн теңге сомасына 73 қарыз алушы несие алды.

«Агробизнес» бағдарламасы – әмбебап. Ол бойынша мал шаруашылығын, өсімдік шаруашылығын дамыту, ауыл шаруашылығы өнімдерін қайта өңдеу жобалары қаржыландырылады. Несиелер меншікті және тартылған коммерциялық қаражат есебінен беріледі, субсидиялауды ескере отырып, сыйақы мөлшерлемесі 6% - ға дейін төмендейді. Инвестициялық мақсаттарға арналған қарыздың ең ұзақ мерзімі -12 жылға дейін. Ұлытау облысында 43 қарыз алушы 1,3 млрд теңгеден астам сомаға қаржыландырылды.

«Жастарға шағын несие беру» бағдарламасы 21-35 жас аралығындағы жас кәсіпкерлерді қолдауға бағытталған. Несиелер 5 млн теңгеге дейінгі мөлшерде беріледі, бұл ретте сыйақы мөлшерлемесі жылдық 2,5% құрайды. Мал шаруашылығын дамыту үшін қарыз беру мерзімі 7 жылға дейін, бизнестің басқа бағыттары үшін 5 жылға дейін. Биыл аталған бағдарлама бойынша 85 млн теңгеден астам қаражат берілді.

2023 жылы ҚазАгроҚаржы ескеріле отырып, Аграрлық несие корпорациясының қаржыландырудың жалпы жоспары 500 млрд теңгені құрайды, оның ішінде Ұлытау облысы бойынша 3,2 млрд теңге бөлінді. 1 тамыздағы жағдай бойынша АНК-ның Ұлытау облысы бойынша филиалы 1,8 млрд теңгеден астам сомаға несие берді.